/11 /11

Една легенда кажува дека Валентин бил свештеник кој служел во текот на третиот век во Рим. Кога императорот Клаудие Втори одлучил дека неженетите мажи се подобри за војска од оние со жени и фамилии, ги забранил браковите за младите мажи – неговите потенцијални војници. Валентин, сфаќајќи ја нанесената неправда, се спротивставил на Клаудие и продолжил да склучува бракови на млади љубовници во тајност. Кога тие активности биле откриени, Клаудие наредил да го погубат.

Други легенди пренесуваат дека Валентин можеби е погубен заради помагање при бегства на христијани од строгите римски затвори каде биле честопати измачувани.

Секоја година за Св. Валентин (Денот на вљубените) во Англија и западниот свет се испраќаат милиони честитки. Најстара позната честитка која се чува и денес е онаа на Шарл, Војводата од Орлеан кој и' напишал и испратил поема на својата жена додека бил затворен во злогласниот затвор Тауер Бриџ. Поемата (честитката) сега е дел од британската библиотека во Лондон.

Св. Валентин, го слават вљубените. Овој, инаку католички празник, во последниве години се почесто го одбележуваат и младите кај нас. По тој повод на саканите им подаруваат цвеќиња срциња, мечиња, бакнежи, љубов...