/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Во текот на последните две децении, бројот на производи ко содржат триклосан и триклокарбан, значајно е зголемен на околу 2.000 артикли во 2014 година, судејќи по новата студија на Rolf Halden, директор на центарот за безбедност на околината на Универзитетот во Аризона.

Во овие производи се вклучени сапуни, детергенти, облека, паста за заби, па дури и цуцли.

Како последица на сето тоа, многу луѓе се изложени на овие хемиикалии. Само во САД, кај 1/3 од населението пронајдена е извесна количина на триклосан.

Се докажало дека антибактериските производи се ефикасни во убивање на микроорганизми во болниците и другите здравствени установи, а пастата за заби со триклосан, може да им помогне на луѓето кои имаат заболени небца.

Меѓутоа, постојат многу малку докази дека овие производи се поефикасни од обичниот сапун, кога е во прашање обичната популација, тврди Halden.

Недостатокот на ефикасност може да биде заради неправилната употреба на производот. За да ги убијат микроорганизмите, луѓето мораат да ги мијат рацете со антибактериски производ 20-30 секунди. Повеќето истражувања покажале дека луѓето во просек ги мијат рацете околу 6 секунди.

Притоа, се повеќе студии покажуваат дека микробите можат да се адаптираат на овие хемикалии, што доведува до зголемување на нивната отпорност на антибиотици кои се користат при третирање на инфекции.