/11 /11

Десет прсти на рацете, десет прсти на нозете....ова е сигурно на листата на работи за кои родителите се грижат. Но, со родителството доаѓа и цела армија неочекувани грижи и проблеми, секој од нив побизарен, а воедно и поинтересен од предходниот. Еве листа на 8 работи за кои не сте очекувале дека ќе се грижите  кога ќе станете родители:

1. Дали изметот е со нормална боја?- кафено, црно, зелено, беж.....спектарот на бои на изметот на Вашето бебе ке Ви создаде проблеми, но повеќето од нив се совршено нормални. Затоа не се вознемирувајте кога менувате пелени, а таму Ве чека изненадување во разни бои...истражете малку и нема да има причина за паника. И нормално не плашете се да го прашате педијатарот, тие се тука токму за тоа.
2. Колку често треба да се бања?- Вашето бебе има мини-бањање секој пат при менување на пелените или кога ке си ги извалка рачињата или ножињата. Се додека не почнат да лазат наоколу и да си играат во кал, ритуалот на секојденвно бањање, не треба да се започне. На неколку дена е сосема доволно.
3. Дали да го извадам бебето надвор?-Стресни се оние први екскурузии со бебето во надворешниот свет. Започнете со едноставна прошетка низ маалото, за да се навикнете на таа слика. Така ќе се опуштите и за кратко време ќе бидете тотално подготвени да ја спакувате торбата со пелени и цуцлички и да тргнете во долги прошетки и патувања.
4. Колку долго треба да чекам за да подригне?- Шетате во средината на ноќта, го тапкате по грбот половина час за да подригне. Изгубен сон... потапнувајте го неколку минути, во разни позиции...Но вистината е дека не можете да изнудите подригнување.
5. Дали е нормално за бебе да се лигави ТОЛКУ МНОГУ?- сепак не е толку многу како што изгледа. И истурена кафена лажичка со вода изгледа многу. Ако сте загрижени, консултирајте се со педијатарот, но бебињата се лигават, тоа им е работа.
6. Треба ли да ги терам луѓето да мијат раце пред да го допрат моето бебе?- Тоа не е лошо. Новороденчињата се подложни на вируси и бактерии, па да побарате од луѓето да се измијат е нормална мерка на претпазливост. Но воопшто не е трагично ако некој го фати Вашето бебе без да се измие, сепак вирусите и бактериите најмногу се пренесуваат преку воздух, па миењето раце не значи стерилна средина.
7. Треба ли да го разбудам бебето за да го нахранам?-Ако зборуваме за попладневна дремка, тогаш не е лошо да го разбудите, па да биде будно во попладневните часови за подобро да спие навечер. Но ако се прашувате за доцна во ноќта, НЕ ГО БУДЕТЕ! Тоа спиење е многу здраво и оставете го, а ако е гладно, верувајте дека тоа самото ќе ве разбуди.
8. Мојата пријателка ми рече дека треба__________, но не сум сигурна дека тоа е правилно. Таа има три деца, треба ли да ја послушам?-дури и Вашата најдоверлива и најдобра пријателка со најдобри намери, може да понуди совети кои не се вклопуваат со Вашиот личен стил на родителска грижа. Можеби сте родител кратко време, но верувајте си имате сопствен стил кој туку што почнувате да го откривате. Затоа верувајте му на Вашиот инстинкт....ова е Ваше бебе, Ваше семејтво.

Да се биде “тазе ” родител понекогаш прави да се чувствувате како да сте сами на некоја друга планета. Но запаметете....не сте! Кога и да се чувствувате така, поврзете се со со други тазе родители, денес и низ историјата....сите се чувствуваат исто.