Фото:Pixabay-NatalieSz/Првите недели често носат неизвесност, замор и мачнини, додека средината на бременоста знае да биде најмирниот период.

/11 /11

Одредени недели се потешки поради физичките и хормоналните промени, додека други носат чувство на стабилност, енергија и емотивна поврзаност со бебето.

Прв триместар (1-12 недела) важи најчесто за најтежок период

Зошто е тежок?

-        Доаѓа до интензивни хормонални промени.

-        Се појавува гадење и повраќање.

-        Се појавува чувство на замор и поспаност.

Се создава чувствп на несигурност и грижа бидејќи е период на рано прилагодување на новата реалност.

Зошто е важен?

-        Се формираат органите на бебето.

-        Овој период е темел на целата бременост.

9 до 12 недела е врв во појава на симптомите кај многу жени

-        Гадењето во овој период често е најизразено.

-        Заморот е силен.

-        Емоциите се променливи

13 до 20 недела е еден од најубавите периоди

Зошто е полесно?

-        Симптомите од првиот триместар се намалуваат.

-        Трудницата добива повеќе енергија.

Овој период е резервиран за најубавите моменти како:

-        Појава на првите движења на бебето.

-        Поголема емоционална стабилност на трудницата.

20 до 28 недела е стабилен и пријатен период

-        Стомакот е веќе видлив.

-        Движењата на бебето се појасно.

-        Мајката често се чувствува најдобро во целата бременост.

Ова често се нарекува „златен период“.

28 до 36 недела е физички потежок период

Предизвиците со кои се соочува трудницата во овој период се: болки во грбот, често мокрење и потешко спиење.

Но овој период има и своја убавина бидејќи се појавува силна поврзаност со бебето, а мајката се подготвува за породување.

36 до 40 недела е мешавина од исчекување и замор

Физичкиот замор во овие недели е најизразен, се зголемува анксиозноста и нетрпението поради емоционалното исчекување на породувањето.

Секоја бременост е различна, па „најлесните“ и „најтешките“ недели не се исти за секоја жена. Она што останува заедничко е дека секој период носи своја вредност и свој посебен чекор поблиску до средбата со бебето.