Фото:Canva/Иако ја нарекуваме „утринска“, мачнината може да се појави во кое било време од денот.

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Кога најчесто започнува?

Кај поголемиот дел од жените:

• започнува околу 5-та до 6-та недела од бременоста,
• најчесто се засилува помеѓу 8-ма и 12-та недела,
• кај некои жени може да почне и малку порано или подоцна.

Зошто се појавува?

Главната причина се хормоналните промени.

Особено влијаат:

• брзиот пораст на hCG, хормон на бременоста,
• зголемен естроген,
• чувствителност на дигестивниот систем.

Телото буквално се прилагодува на новата состојба, па реагира со мачнина.

Колку долго трае?

Во повеќето случаи:

• се подобрува до крајот на првиот триместар односно околу 12-14 недела,
• кај некои жени може да трае подолго, но со намален интензитет,
• ретко продолжува во текот на целата бременост.

Како се манифестира?

Не е секогаш само утринска мачнина.

Може да вклучува:

• гадење,
• повраќање,
• чувствителност на мириси,
• одбивност кон одредена храна,
• чувство на „празен желудник“.

Што може да помогне?

Иако не постои универзално решение, често помага:

• мали и чести оброци,
• консумирање сува храна наутро како кекси, тост и слично,
• внеа на доволно течности во мали голтки,
• избегнување силни мириси,
• да се практикува одмор и полежерно темпо.

Кога да се побара лекар?

Важно е да се консултира лекар ако:

• повраќањето е многу често,
• има знаци на дехидратација,
• не може да се задржи храна или течност,
• слабоста станува поизразена.

Утринската мачнина најчесто започнува околу 5-тата до 6-тата недела од бременоста и е нормален дел од раната бременост. Иако може да биде непријатна, обично е привремена и се смирува по првиот триместар.