/11 /11

Мајонезот е најпродаваниот сос за јадењата. Сендвичи, салати, тар-тар сос и многу други јадења, го содржат во себе мајонезот како клучна состојка.

Од друга страна пак, мајонезот се здоби и со одредена лоша репутација, пред се заради тоа што не е многу полезен по здравјето. Тоа беше случај во една неодамна објавена студија за најлошите производи во фрижидерот, според која мајонезот се најде на прво место.

Што е мајонезот?

Мајонезот е всушност волшебен производ. Практично составен само од масло, мала количина на жолчка од јајце, лимонов сок и сенф. Сите тие состојки се разбиваат во еднородна маса. Мајонезот ја добива својата конзистенција како резултат на емулсификација – метод на мешање на две состојки кои не се мешаат – вода и масло. За да се случи емулсификација, неопходни се молекули, т.н. емулсификатори, кои имаат хидрофилни и липофилни својства. Така емулсификаторот може да се поврзе со молекули од различни типови и да ги соедини.

Какво значење има мајонезот за вас?

Основната карактеристика на мајонезот е што содржи премногу маснотии. Втората карактеристика е високата калориска вредност. Во една супена лажица мајонез се состојат 100 килокалории.

Корисен или не?

Тоа зависи од маслото. Практично секое масло може да биде искористено за подготовка на мајонез. Од таа причина, квалитетот на маслото игра главна улога дали мајонезот ќе биде полезен или не.

А што е со бактериите?

Во домашниот мајонез се става сирова жолчка. Во мајонезот кој го купуваме тоа не е проблем, бидејќи јајцата поминуваат низ фаза на пастеризација, што го прави производот безопасен.