Мајка и бебе, гредење доверба

/11 /11

Иако бебињата не зборуваат, тие одлично чувствуваат кога некој е тука за нив и токму тоа е основата на сигурната приврзаност.

Зошто првите месеци се толку важни?

Во првата година од животот, бебето учи дали светот околу него е безбеден и предвидлив. Ако неговите потреби се препознаваат и исполнуваат, тоа гради чувство на сигурност. Тоа не значи дека треба постојано да се држи во раце, туку дека ќе знае, „мама и тато ќе дојдат кога ми требаат“.

Како да се гради доверба?

1. Брз одговор на плачот
   Кога бебето плаче, тоа е единствениот начин на комуникација. Брзата реакција го учи дека неговиот глас е слушнат.
2. Телесен контакт
   Прегратките, кожата до кожа, носењето во слинг или кенгур ја зајакнуваат емоционалната врска.
3. Конзистентна рутина
   Редовното време за хранење, спиење и бањање му дава на бебето чувство на стабилност.
4. Нежен тон на гласот и контакт со очи
   Бебето реагира на изразот на лицето и бојата на гласот. Топлиот и смирен пристап градат сигурност.
5. Време за игра и внимание
   Дури и неколку минути целосен фокус на бебето, без телефон и други прекини, значат многу.

Што ако не успееш секогаш?

Ниту еден родител не е совршен. Она што е важно е континуитетот. Бебињата простуваат ако еднаш задоцниш, сè додека генерално знаат дека можат да се потпрат на тебе.

Довербата започнува од првиот ден и се гради со љубов, присутност и доследност. Овие први месеци се темел за однос кој ќе трае цел живот.