/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Тоа е чувство кое не може да се опише со зборови. Некогаш боли, да, некогаш и пречи, бидејќи се чини дека бебињата стануваат активни тогаш кога мама сака да спие, но едно е сигурно – секоја мајка го сака секој удар од бебето. Од првите почувствувани пеперутки, до последниот удар пред раѓањето, бидејќи тоа значи само едно – бебето е живо и здраво.

И секоја мајка во тоа е иста – ќе се насмевне секој пат кога бебето ќе мрдне и ќе почувствува блага паника ако бебето подолго време спие. Сепак, тоа поставува низа на прашања. Колку е нормално бебето да мрда, дали е подобро да е активно или не. Има ли тоа воопшто некаква важност – бројот на удари и активноста? Дали бебето нешто порачува со секој свој силен удар, кој не личи на типично поместување.

Токму заради тоа, ви пренесуваме неколку интересни факти:

1. Зачестените удари значат дека вашето бебе е здраво и нормално се развива.
2. Бебето реагира на надворешните дразби – посебно на звук, бидејќи на тоа реагира и секој човек.
3. Бебињата повеќе удираат кога лежите на левата страна бидејќи тогаш бебето автоматски добива повеќе крв, што ја зголемува активноста.
4. Активноста на бебето е поголема, откако мама ќе се најаде.
5. Бебињата мрдаат многу и пред мајката да почувствува. Обично се вели дека првите движења се чувствуваат по 13-та недела, но бебињата своите први движења ги прават со девет недели, но тоа не може мајката да го почувствува.
6. Намалената активност на бебето Е причина за грижа. Некои бебиња се помалку активни, но сите би требало прилично многу да удираат одвнатре. Затоа, ако бебето обично било активно, а одеднаш покажува намалена активност – тоа е причина за грижа бидејќи покажува некое отстапување во развојот и воопшто во здравствената состојба на фетусот.
7. Најголема грижа мајките чувствуваат пред крајот на бременоста, но морате да знаете дека активноста на бебињата често се намалува по 36. недела, бидејќи бебето навистина нема место за “спорт”.