Гинеколошки преглед

/11 /11

Без разлика дали одите на рутински преглед или за конкретен проблем, чувството на непријатност, срам или анксиозност е нормално, но може да се намали.

Во продолжение, прочитајте како да се подготвите ментално и емотивно за да ја направите целата ситуација полесна, поприфатлива и поудобна за себе.

1. Признајте си ги чувствата и не срамете се од нив

Страв? Нервоза? Неудобност? Тоа не значи дека нешто не е во ред со вас бидејќи тие емоции се чести. Признавањето дека ви е непријатно е првиот чекор кон справување со тоа. Многу жени го одложуваат прегледот токму поради емоционалната тежина што ја носи, но вашето здравје е поважно од краткотрајниот дискомфорт.

2. Изберете гинеколог со кого се чувствувате безбедно

Менталната подготвеност многу зависи од довербата. Ако имате избор:

-        Изберете лекар (маж или жена) според тоа каде се чувствувате побезбедно

-        Прашајте пријателка или член на семејство за препорака

-        Не се плашете да го смените гинекологот ако не ви одговара, имате право на тоа

3. Информирајте се што точно ќе се случува

Непознатото е еден од најголемите извори на страв. Затоа, дознајте:

-        Како изгледа рутинскиот гинеколошки преглед

-        Дали ќе се користи спекулум, ултразвук, брис и др.

-        Колку трае прегледот

-        Дали можете да поставувате прашања во текот на прегледот

Колку повеќе знаете, толку помала е веројатноста да се чувствувате беспомошно.

4. Подгответе си прашања однапред

Некои жени се затвораат од трема и не се сеќаваат што сакале да прашаат. Затоа:

-        Запишете си прашања однапред (на пример: „Дали оваа болка е нормална?“ или „Која е најсоодветната контрацепција за мене?“

-        Можете и на телефонот да си направите белешка

5. Вежбајте дишење и опуштање пред терминот

Неколку часа или минути пред прегледот:

-        Вежбајте длабоко дишење, вдишување низ нос, издишување преку уста

-        Слушајте смирувачка музика додека чекате

-        Потсетете се дека ова го правите за себе и твоето здравје, вие си храбра

6. Облечете нешто во што се чувствуваш пријатно

Нема потреба од формалност, бирајте облека која лесно се соблекува и во која се чувствувате удобно. Малите нешта прават разлика кога сте емоционално вознемирена.

7. Кажете му на лекарот ако сте вознемирени

Имате право да кажете:

-        „Ова ми е првпат и ми е малку непријатно.“

-        „Имам лошо искуство од претходен преглед, само да знаете.“

Гинеколозите се обучени да бидат внимателни и емпатични, а вашата отвореност може да помогне да се адаптираат на вашето темпо.

8. Размислете да поведете поддршка со себе

Ако сметате дека ќе ти биде полесно, поведи пријателка, партнер или сестра кои ќе ве чекаат надвор или ќе бидат со вас до вратата. Знаењето дека не сте сама, прави голема психолошка разлика.

Гинеколошкиот преглед не мора да биде трауматично искуство. Со внимателна ментална подготовка, избор на вистински лекар и нормализирање на сопствените емоции, можете да го трансформирате во чин на грижа и моќ. Секое женско тело заслужува внимание, љубов и медицинска грижа, а вие сте вредна за тоа.