Фото:Canva/Индуцирано породување: кога, како и зошто се прави?

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Иако звучи технички, оваа постапка е чест дел од современото акушерство и често се прави за заштита на здравјето на мајката и бебето.

Што точно значи индуцирано породување?

Индуцираното породување е медицинска интервенција со која лекарите вештачки предизвикуваат контракции пред да започне спонтано породувањето. Тоа може да се направи со лекови, хормони или физички методи кои го омекнуваат и отвораат грлото на матката и поттикнуваат контракции.

Кога се препорачува индуцирано породување?

Индуцирањето не се прави без причина. Најчесто, лекарот ќе го препорача ако продолжувањето на бременоста носи поголем ризик отколку породувањето. Некои од најчестите причини се:

1. Пoминат термин односно ако бременоста трае подолго од 41-42 недели.
2. Проблеми со плацентата. На пример, плацентата веќе не обезбедува доволно кислород и хранливи материи за бебето.
3. Малку плодова вода (олигохидрамнион) е ризик за бебето во матката.
4. Гестациски дијабетес или хипертензија. Момент кога состојбата на мајката може да влијае врз бебето.
5. Пукање на водењакот без контракции што значи водењакот пукнал, а породувањето не започнува спонтано по неколку часа.
6. Здравствени проблеми кај мајката или бебето како што е: ограничен раст на бебето, инфекција или прееклампсија.

Како се изведува индуцираното породување?

Постојат неколку методи, и изборот зависи од состојбата на мајката, зрелоста на грлото на матката и општата ситуација:

1. Простагландини (гелови или таблети)
   Овие хормонални супстанци се нанесуваат во близина на грлото на матката за да го омекнат и отворат.
2. Окситоцин (инфузија)
   Синтетичка верзија на природниот хормон кој го предизвикува започнувањето на контракциите.
3. Механичко проширување со катетер (Фоли катетер)
   Мала балонче се поставува во грлото на матката и нежно го проширува.
4. Амниотомија (пукање на воденикот)
   Лекарот намерно ја отвора плодната обвивка за да го поттикне породувањето.

Предности и ризици

Предности:

• Спречува компликации поради преносена бременост
• Го намалува ризикот за бебето во одредени медицински состојби
• Овозможува контролирано породување под медицински надзор

Можни ризици:

• Контракциите можат да станат премногу силни и болни
• Понекогаш породувањето не напредува и се завршува со царски рез
• Поголема потреба од аналгезија (епидурална анестезија)
• Ретко, може да дојде до оптоварување на бебето

Како да се подготвите ако ве очекува индуцирано породување?

• Разговарајте со вашиот гинеколог за зошто е потребна индукцијата бидејќи секоја бременост е различна.
• Понесете си удобна облека, музика, книга или нешто што ќе ви помогне да останете смирени бидејчи процесот понекогаш трае подолго.
• Важно е да знаете дека дури и индуцираното породување може да биде убаво и контролирано искуство, доколку сте добро информирани и подготвени.

Индуцираното породување не е „вештачко породување“ во негативна смисла. Тоа е медицинска поддршка која им помага на мајките и бебињата да поминат безбедно низ породувањето кога телото има потреба од мала помош.

Најважно е одлуката да се донесе во консултација со стручно лице, со почит кон природниот процес и со доверба во медицинскиот тим.