/11 /11

Термин, 3 октомври 2020. Помина 1ви, 2ри, дојде и 3ти бебето ни малку нема план да се роди. Помина и 4ти, и на крај дојде 5 октомври 2020, денот кога моето срце се зголеми за три величини повеќе, денот кога мојата Бисера, мојот бисер дојде на свет.

Утро, 7 часот, навидум исто како и сите претходни. Ќерките будни, сопругот на работа, ред е да станеме од кревет. Станувајќи чувствувам болка, но бидејќи болката беше присутна во текот на целата бременост не обрнувам внимание, па продолжувам со обврските околу децата и нашите утрински ритуали.

Доаѓа 9:00 часот а јас забележувам дека болките се чести и се јавуваат на секои 30 минути, и секако веќе ми е јасно дека денес е денот за породување. Се јавувам на сопругот со зборовите "Доаѓај треба да одиме во болница, почнаа болките", секако можете да замислите каков стрес доживеа тој во тој момент нели, колку и да го минал сето тоа.

Доаѓа тој, доаѓа мајка ми да ги земе ќерките, а јас земам да јадам чипс, бидејќи нели мама е гладна. Знаев дека имам време и не се брзав. Во 13:30 часот веќе бевме во болница. За среќа ме примија двајца прекрасни доктори. Ме прегледа, се беше во ред, процесот на породување веќе започнал како што и очекував, но болки ни малку оние што имав. Ме подготвија и остана само да чекаме. Сопругот беше до мене, чекавме и разговаравме до 18:00 часот, кога докторите одлучија присилно да го пукнат водењакот, па веднаш потоа почнуваат оние силни, најсилни болки, во 18:10 часот ми се јавува сопругот да праша што се случува, секако се јавив разговаравме неколку минути. Во 18:20 часот го слушнав највредниот и најубавиот плач на светот, плачот на нов живот, живот кој го створивме ние двајца, нашата трета среќа. Болки, олеснување, солзи во очите, радост многу помешани чувства. После две породувања на кои ми беше извршена епизотомија, и јас а и докторката(таа ме породуваше и претходните пати) очекувавме дека повторно ќе биде потребно, но за среќа помина без тоа. Иако имав страв дека ќе биде најболно, третиот пат помина најбезболно.

Лесно изгледа нели? Но само изгледа, верувај..

Сепак, секоја болка која ја чувствував на секое породување, би ја почувствувала уште милион пати во двојна верзија, за да можам како што денес можам да се разбудам со нивните прегратки, за да го слушам тоа нивно мама по 1000 пати дневно, за да ги гледам како се смеат гласно најгласно додека играат со татко им, за да ги имам.

Да бидеш мајка не е лесно, но е најголемиот благослов кој Бог и го подарил на жената, таа да дарува живот а тој живот да ја има смислата за нејзиното постоење.

Ваша Елена,

View this post on Instagram

Секоја од нив во свој свет, но јас и тој горди што тие стојат пред нас, што постојат. Кога ја започнавме нашата врска, сите околу нас помислија дека тоа е обична врска која ќе трае кратко, но јас знаев, знаев дека тој е човекот што сакам да го гледам во улогата татко на моите деца и човек кој секогаш ќе стои како карпа до мене,тоа беше нашата цел, што сега со гордост можам да кажам дека ја остваривме. Препреки од секогаш имало во животот, и кај нас не беа изоставени, најголемата препрека беа предрасудите од околината, но сепак тој никогаш не се откажа од мене и нашата љубов. Кога ја имаш вистинската личност покрај себе, не е тешко да основаш семејство. Овој пост е посветен на токму таквата личност во мојот живот, онаа вистинската, на мојот сопруг . И не е чудо што токму баш тој е мој сопруг и татко на моите деца и токму оној кој и животот би го дал за мене и нашите ќерки, знам. Тој заслужува многу повеќе од неколку реченици напишани тука. Никогаш нема да ми здосади секојдневно да го слушам ТЕ САКАМ од него, ниту пак јас ќе престанам да го потсетувам колку само многу го сакам. Додека ги раѓав нашите ќерки, секоја болка што јас ја трпев мислам дека него го болеше повеќе, затоа што тој е таков, човек што знае да ја сака и почитува својата сопруга, и со тоа несомнено ќе биде најдобар пример за своите ќерки, да знаат дека треба да се сакани и почитувани како што е мајка им и како што се тие од нивниот татко.Маж кој ќе биде најдобар пример за нив.Многу работи научив од него,Нашиот живот не е бајка. Како и сите други и ние имаме расправи и недоразбирања, ама на крајот од денот среќна сум што токму тој е оној покрај кого легнувам ноќе и се будам наутро. Тој е нашиот маж, без претерување нашиот најдобар тато и најсовршен сопруг. ТОЈ Е МОЈОТ НАЈДОБАР ИЗБОР. . . . #мама #тато #лина #калина #бисера #мамаблог #инстаграм #бебе #трисестри #љубов #среќанајголема

A post shared by Наумовска Елена (@mother.of.three.daughters) on Oct 27, 2020 at 1:48pm PDT