/121 /11

Џесика Алба ја промовираше својата интернет компанија за "eco-friendly" производи. Интернет компанијата ќе продава еколошки и нетоксични продукти за семејството, кои ќе може да се најдат на веб страната www.honest.com. 

Позната актерка и мајка на две ќерки, открива дека идејата за овој тип на интернет продажба на еко производи ја добила благодарение на постојаните истражувања за најдоброто за нејзиното семејство. Имено од периодот кога таа станала мајка научила многу за тоа кои производи се најдобри за нејзините деца и целото семејство, исто така дознала дека голем број на производите кои секојдневно ги користиме содржат многу токсични хемикалии. Сето ова ја поттикнало да ги истакне еколошките и нетоксични производи и да ги направи достапни до поширока маса на луѓе, а истовремено да влијае и на подигнување на свеста за избор на поздрави производи и намалување на употребата на токсини во производите кои секојдневно ги употребуваме.

Триесет годишната актерка признава дека отварањето на една ваква интернет продавница и одземало многу време и нерви, но истовремено ја направило да се чувствува дека работи благотворна и корисна работа за општеството.

На Honest.com за сега може да се најдат неколку еко-продукти: пелени, шампони и детергенти, но Алба во план има да ја зголеми линијата на еколошки и нетоксични производи кои ќе се продаваат преку интернет. 

Дел од профитот на компанија ќе се донира во организацијата Baby2Baby.

Jessica Alba е пример за успешна жена, за која грижата за семејството е секогаш на прво место.

И посакуваме уште поголем успех во актерството и во работата со Honest.com и можеби нејзините еко-производи ќе ги промовираме и на Рингераја.мк!