/11 /11

Но истражувањата покажуваат  дека движењето за време на контракциите го подобрува чувството за контрола на жената, ја намалува нејзината потреба за земање лекови за болка и може да се намали времетраењето на породувањето.

Понекогаш движењето за време на породувањето е тешко како последица на рутинските процедури или недостатокот на поддршка и простор. Пред  породувањето  да започне потрудете се

-          Изберете ја здравствената  установа, односно местото  на раѓање на детето внимателно, за да бидете сигурни дека ќе ве поттикнуваат да се движите и да ги менувате позициите. Побарајте сестра која ќе ви помогне во изборот на позиции кои се најдобри при породување.

-          Без разлика каде ќе се породувате, останете дома се додека контракциите не се зачестат на пет минути. Ако грлото на матката не е отворено повеќе од 4 сантиметри, тогаш можете да се вратите дома, или движете се, се додека цервиксот не се отвори повеќе. Најчесто трудниците одлучуваат да бидат дома, доколку дозволи гинекологот, заради тоа што можат слободно да шетаат, да седат на пилатес  топка и да се опуштат заедно со саканиот и семејството. Најважно е да го слушате вашето тело и да се одморате кога тоа ќе биде потребно.

-          Кога ќе бидете во салата за породување, побарајте со бабицата да се движите што повеќе, а не постојано да бидете вклучени на ЦТГ, освен ако тоа не е навистина потребно.

-          Потрудете се да обезбедите професионална помош и поддршка за време на породувањето, или до вас нека биде сопругот, или друг член на семејството, кој прави да се чувствувате безбедно и сигурно.

-          Разгледајте го влијанието на лековите против болка, кои ќе имаат влијание врз вашата способност да се движите слободно за време на породувањето. Сите лекови против болка го оневозможуваат движењето во процесот на породување.  Движењето е потполно оневозможено кога се користи епидурална анестезија. Ако сте во можност лежете во када со топла вода, која ги намалува болките.

-          Посетата на часови за породување може да ви помогне да ги научите фазите на породувањето, позициите за намалување на болката и  многуте опции за движење.