/11 /11

Во многу култури повивањето е добро позната и традиционална пракса. Добра страна на повивањето е секако мирното бебе кое подолго спие бидејќи не го будат сопствените движења. Секако, со тоа се спречува и да се изгребе со ноктите по лицето. Сепак постојат истражувања кои ја доведуваат во прашање корисноста и безбедноста на повивањето.

Комуникација меѓу мајката и детето

Една од најважните причини за загриженост на педијатрите и поддржувачите на доењето е што повивањето и пречи на комуникацијата меѓу мајката и бебето. Помалку плачење не мора да е предзнак дека на бебето му е добро, затоа што тоа е единствен начин со кој бебето ќе го заврти вниманието на себе.

“Плачот е единствениот јазик на бебето и тоа е единствен начин да разберете дека на бебето нешто му е потребно.  Пред да почнете да го повивате бебето, откријте што му е потребно – немојте само да го замолчувате,”, кажува сестрата на педијатрија Кити Франц.

Повеќе сон, помалку храна

Новороденчињата кои се повиени се хранат поретко и повеќе губат на тежина. Тоa e затоа што повиените бебиња  се будат помалку во текот на денот и полесно заспиваат повторно. Според мислењето на стручњаците од Американската  академија за педијатрија , бебињата треба да се дојат осум до дванаесет пати дневно. Наспроти тоа, повиените бебиња се хранат шест до седум пати дневно. Тоа е заради природната прогресија низ фазите на спиење кај бебето. Кога бебето ќе почне да се буди од длабок сон, усните и затворените очи почнуваат да се движат, а рацете да кружат. Токму ова движење на рацете е знак дека треба да го разбудите бебето, бидејќи е време за оброк. Меѓутоа, ако рацете се блокирани со повивање, бебето одново ќе заспие и ќе го пропушти оброкот.Сесѕтра Франц забележала дека бебињата кои се повиени изгубиле 10% од својата тежина за време на првата недела. Тоа е повеќе од нормалното губење на тежина кое бара дополнително хранење за да не дојде до дехидратација. Сестра Франц ги советувала родителите да не ги повиваат децата и тие за брзо го надокнадиле загубеното.

Регулација на температурата

Иако на повиеното бебе му е удобно и топло, што е посебно важно кога е ладно времето, истражувањата покажуваат дека допирот со мајката е најдобар начин  да се регулира телесната температура на бебето. Во една руска болница спроведена е студија на 176 мајки и бебиња и научниците со мерење на температурата сфатиле дека на повиените бебиња им е поладно, а исто така може да му стане и претопло.