Слика 3

Слика 1

Слика 2

/101 /11

Што е бруксизам?

Бруксизмот претставува несвесна и присилна навика на меѓусебно шкрипење и триење на вилиците. Тоа значи дека лицето кои има бруксизам обично не е свесно за оваа навика и не може да запре. Тоа обично се случува во текот на ноќта, додека спие или во текот на денот најчесто при стрес или спортување. Бруксизмот е поврзан со стресот и штетно влијае врз забите, џвакалните мускули, зглобовите и вилицата и притоа влијае на изгледот на лицето.

Кои се знаците и симптомите за бруксизмот?

Симптомите на бруксизмот се следниве:

- забите се ронат и стануваат се покуси. Тоа се случува заради ронење на забите и забната површина од  триењето на вилиците (шкрипење).

- предните заби стануваат тенки, така што кремаво/жолтиот дентин станува видлив

- доколку оваа болест не почне да се третира ,забите може да се изронат се до пулпата

- може да се почувствува болка во мускулите и зглобовите на вилицата секое утро

- јадењето може да биде болно,поради оштетувањето и оптоварувањето на зглобот

- забите стануваат чувствителни и болни на студено или кисело (заради веќе соголениот дентин (внатрешниот слој на забите).

- бруксизмот во понапредна фаза може да предизвика промени во физиономијата на лицето (фацијални промени) поради подлабоко затворање на вилицата

- бруксизмот исто така, може да предизвика развој на истакнати мускули на лицето

Кои се причините за појава на бруксизам?

Главните причини за појава на бруксизам се стресот, психолошки проблеми и медицински услови (одредена болест). Може да се појави кај луѓе со церебрална парализа или тешкотии при учењето. Постојат и локални причини за појава на бруксизам. Тоа се најчесто нови порцелански изработки кои немаат адекватно балансиран загриз, големи пломби и сл. кои предизвикуваат несвесен „тик“ на триење на забите.

Како се третира бруксизмот?

Бруксизмот се третира психолошки, стоматолошки и со помош на лекарства за лечење на оваа болест. Со психолошките и медицинските причини се занимаваат психолози, психијатри и доктори. Стоматолошкиот третман за лекување на бруксизмот е насочен кон спречување на поматамошното оштетување на забите, како и поправка на веќе оштетените заби.

Превентивниот третман се состои до носење на таканаречен оклузален сплинт или ноќен чувар.

- тој ги намалува штетите од бруксизмот

- ноќниот чувар не може да го излекува бруксизмот, но може да ги заштити забите од понатамошно оштетување

- ноќниот чувар ги заштитува горните и долните заби од гризење (шкрипење) едни со други

- акрилен ноќен чувар може да ги ублажи симптомите на зглобовите на вилиците предизвикани од бруксизмот

- се земаат мерки од горната и долната вилица и се праќаат во стоматолошка лабораторија, каде ќе биде изработен ноќниот чувар

-може да бидат изработени од мека пластика или акрилен материјал

(Види слика 2)

Понекогаш стоматологот може да препорача и примена на лекови за мускулна релаксација или пак да сугерира некој друг начин за контрола на стресот.

Доколку причината е локална – потребно е да се сменат или корегираат оние реставрации кои доведуваат до оваа штетна навика.

Како стоматологот го третира ронењето на забите предизвикано од бруксизмот?

Кога бруксизмот доведува до тешко оштетување на забите, потребно е да бидат реставрирани, најчесто со коронки или инлеи. Со овие реставративни техники се подобрува и функцијата и целокупниот изглед кај пациентот.

(Види слика 3)