/11 /11

За да ви помогнеме да се ослободите од нив, составивме листа на непотребни токсични производи.

Винил

Винил или ПВЦ производот е забранет во повеќе од 14 земји и Европската Унија. За жал, се уште се продава легално од страна на трговците на мало од САД иако се заканува на животната средина и на здравјето на луѓето, во секоја фаза од животниот циклус на производот. ПВЦ производите може да содржат фталати (поврзани со хормонски нарушувања) и олово (потенцијално невротоксично соединение) и  предизвикуваат загадување на воздухот во затворена просторија. Ознаката за ПВЦ е закосена стрелка. Доколку нема ознака може да почувствувате ПВЦ по мирисот (уникатен мирис на нова завеса за во купатило).

Парфеми

Иако точната формула на парфемите е трговска тајна, со сигурност се знае дека многу од нив содржат диетил фталат, состојка која може да се апсорбира преку кожата.  Фталатите се сомничат за појавата на рак и предизвикување на хормонален дисбаланс, кој е поврзан со репродуктивни нарушувања. За жал фталатите ретко може да се видат на етикетата на производот, бидејќи трговските тајни формули се ослободени од етикетните барања. Додека се направат измени во законот, препорачливо е да користите природни етерични масла.

Пестициди

Оваа огромна категорија на производи заслужува вклучување во листата, бидејќи за нив се знае дека се исклучително токсични. Тие се направени за да бидат тоа. За жал, решавањето на проблемот со пестицидите, може да создаде друг проблем. Остаток од отрови кои лебдат, загадениот воздух. Постојат многу нетоксични начини да се отстранат штетниците и тревата од насадите. Изберете ги нив.

Средства за чистење

Чудно е што ставаме токсични хемикалии на подовите, стаклата, во кујната и тоалетот, со цел да ја отстраниме нечистотијата. Корозивните или нагризувачки хемикалии, како што се киселините кои се наоѓаат во составот на средствата за чистење, средствата за чистење рерна се меѓу најопасните состојки бидејќи можат да ги изгорат кожата, очите и внатрешните ткива. За жал, многу е тешко да се дознаат состојките на средствата за чистење,исто како и на парфемите, бидејќи нивната тајна формула е заштитена. Подобро изберете по-благо средство за чистење од призводител кој одлучил да ги открие состојките, или користете традиционални средства, кои се користеле во минатото.

Конзервирана храна

Конзервираната храна не треба да биде на оваа листа на токсични материи, но повеќето конзерви содржат бисфенол – А што го прави главниот проблем на конзервираната храна. Некои амбалажи се БПА слободни, а останатите се заложија дека ќе бидат исто така БПА слободни во иднина, но тоа нема да се случи за скоро. Купувачите треба да внимаваат: некои компании се префрија кон ознака БПС кој е хемиски роднина на БПА и кој се поврзува со исти или слични проблеми. Ако сакате да бидете безбедни, одлучете се за свежа, наместо конзервирана храна.

Кармин

Можете ли да верувате дека оловото, познатиот невротоксин, кој нема безбедно ниво на изложеност, се наоѓа во карминот? Прехранбената и Лекарската Комора во САД обелодениле дека во 400 врсти на кармини е пронајдено олово. Бремените жени и децата се особено изложени на ризик, бидејќи оловото влијае штетно на развојот на мозокот. Изберете кармин кој содржи природни минерални пигменти.

Нелепливи садови

Извадете го ова чудо надвор од вашата кујна, веднаш. Состојките од кои се направени нелепливите тави се поврзуваат со рак и неплодност. Контаминацијата која ја предизвикуваат не се распаѓа во природата и била пронајдена во ниски нивоа во крвта на 98% од американците, како и во целиот свет, вклучувајќи ги и органите на поларните мечки.  заменете ги нелепливите садови со побезбедни материјали како  леано железо, емајлирано леано железо и нерѓосувачки челик.

Флаширана вода

Во Америка се купуваат половина милијарда шишиња бода неделно. Повеќето луѓе мислат дека користејќи флаширана вода, ќе ги избегнат загадувачите кои мкожат да бидат присутни во водата од чешма. Во повеќето случа, не се во право. Флашираната вода може да биде исто или повеќе загадена од водата од чешма, бидејќи хемиските состојки од пластичните шишиња можат многу лесно да мигрираат во водата. Најдобро е да пиете филтрирана вода од чешма.

Триклосан

Овој антибактериски агенс е насекаде: во сапунот, пастата за заби, дезодорансите па дури и во облеката. Студиите покажаа дека се поврзува со отпорност на бактерии и уништување на имуниот систем, правејќи не подложни на вируси, бактерии и алергии. Внимателно читајте го составот на производите и избегнувајте ги оние со триклосан.

Маслени бои

Постојат околу 300 токсични хемикалии и околу 150 канцерогени соединенија присурни во маслените бои, открива една студија во САД. Избегнувајте ги!