Фото:Canva/Не мора да фрлите сe. Важно е да знаете што да користите поретко, што да замените и што да чувате правилно.

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Домот обично го поврзуваме со безбедност, удобност и топлина. Но токму таму, во нашето секојдневие, се кријат супстанци кои можат да бидат опасни за здравјето ако неправилно се употребуваат или складираат.

Многу од нив ги користиме секој ден, без да помислиме дека можат да предизвикаат иритации, труење или долгорочни штетни последици, особено кај деца и миленици.

Ова се најчестите токсични супстанци кои ги имаме дома, а кои заслужуваат повеќе внимание.

1. Средства за чистење особено комбинирани производи

Блокаторите на маснотија, средствата за рерни, хлорните раствори и средствата за дезинфекција се меѓу најтоксичните супстанци во секој дом.
Проблемот со нив е што тие се корозивни и иритантни, а комбинирањето на хлор со киселина може да ослободи опасни гасови.
Каде погрешно ги чуваме? Под мијалник, достапни за деца.

2. Освежувачи на воздух и мириси за дома

Спрејови, свеќи, дифузери и ароматични масла често содржат: формалдехид, фталати, синтетички мириси

Проблеите кои овие средства може да ги предизвикаат се: главоболки, иритирање на белите дробови и алергиски реакции.

3. Производи за перење и омекнувачи

Прашоците, таблетите и течните средства за перење содржат површински активни материи и хемикалии кои ако се внесат во организмот се многу опасни.
Кај децата дури и мал внес од овие средства може да предизвика сериозно труење.

4. Пестициди и инсектициди

Спрејови против комарци, гелови за бубачки, препарати за тревник и градина се невротоксични супстанци, кои се екстремно опасни при вдишување, голтање или контакт со кожа.

5. Бои, лакови и лепила

Често ги чуваме во подруми, гаражи или остави.
Проблемот со нив е што се лесно испарливи органски соединенија (VOC) кои можат да предизвикаат вртоглавица, иритација на очите и долгорочно влијание врз дишните патишта.

6. Лекови како најопасните „обични“ токсини

Аналгетици, сирупи, таблети за спиење, витамини, па дури и капки за нос можат да бидат опасни ако ги земе дете или ако се предозира возрасен.
Проблемот се јавува кога се лесно достапни во чантата, фиоката или на маса.

7. Козметика и производи за нега

Лак за нокти, ацетон, лакови и гелови за коса, креми со силни активни состојки. Овие средства често содржат алкохоли, формалдехид, парабени и фталати.

8. Батерии и електронски уреди

Малите копчести батерии се особено опасни за голтање, а големите батерии содржат тешки метали и може да предизвикаат итна медицинска состојба.

9. Средства за одмрзнување, антифриз и автомобилски течности

Дури и мал внес на антифриз е смртоносен поради етилен-гликолот.
Каде грешно ги чуваме? Складирани во гаражи, често без заклучување.

10. Мувлата и влагата е тивок, но токсичен „станар“

Иако не е производ, мувлата е токсична супстанца присутна во многу домови.
Овие куќни состојби може да предизвикаат алергии, астма и хронични респираторни проблеми.

Како да создадете побезбеден дом?

• Чувајте ризични производи надвор од домет на деца и миленици.
• Никогаш не мешајте хемикалии.
• Проветрувајте при користење на токсични производи.
• Чувајте ги во оригинални пакувања со јасни етикети.
• Фрлајте ги празните амбалажи на правилен начин.
• Користете поблаги, природни средства кога е можно.