Фото:Canva/Целото овошје обезбедува и влакна, витамини и минерали. Додадените шеќери се друга категорија.

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Еве неколку од најчестите митови.

Мит 1: „Јаглехидратите се нездрави“

Ова не е точно. Јаглехидратите се важен извор на енергија. Поважно е од каде доаѓаат.

Овес, интегрални житарки, компири, мешунки, овошје и зеленчук можат да бидат дел од здрава исхрана.

Мит 2: „Сите масти треба да се избегнуваат“

Не е точно. На организмот му се потребни масти за нормално функционирање.

Авокадо, маслиново масло, јаткасти плодови, семки и масна риба содржат корисни незаситени масти.

Подобро е да се ограничат трансмастите и прекумерниот внес на заситени масти, отколку целосно да се избегнуваат сите масти.

Мит 3: „Свежото овошје е нездраво поради шеќерот“

Не е исто како додадениот шеќер. Целото овошје содржи природни шеќери, но и влакна, витамини, минерали и други корисни растителни соединенија.

Јаболко или портокал не треба да се изедначуваат по својата здрава вредност со засладените газирани или негазирани пијалаци.

Мит 4: „Детокс диетите ги чистат токсините од телото“

Нема потреба од посебни детокс диети или сокови за „прочистување“.

Црниот дроб и бубрезите имаат важна улога во обработката и елиминирањето на отпадните материи од организмот.

Наместо кратки детокс режими, подобар избор е долгорочна разновидна исхрана.

Мит 5: „Здравата храна мора да биде скапа“

Не мора. Многу хранливи намирници се достапни и релативно евтини како: грав и леќа, јајца, овес, компири, сезонски зеленчук, сезонско овошје.

Здравата исхрана не мора да се базира на скапи намирници.

Мит 6: „Суперхраната е неопходна за здравје“

Не е неопходна. Чиа, киноа, авокадо и други популарни намирници можат да бидат дел од исхраната, но немаат магично дејство.

Разновидноста е поважна од една конкретна намирница.

Мит 7: „Ако производот е природен, автоматски е здрав“

Ова не е секогаш вистина. Природното не е синоним за здраво.

На пример, медот е природен, но сепак содржи значителна количина шеќери. И некои природни супстанции можат да бидат штетни во одредени количини.

Мит 8: „Мора да јадете точно одреден број оброци дневно“

Нема едно унифицирано правило што важи за сите.

Некому му одговараат три главни оброци, а некој има потреба од дополнителни ужини. Поважно е целокупната исхрана да обезбедува доволно енергија и хранливи материи.

Мит 9: „Без глутенката храна е поздрава за секого“

Не е точно. За луѓето со целијачна болест или одредени други состојби, избегнувањето глутен е важно. Но за луѓето без таква медицинска потреба, безглутенската исхрана не е автоматски поздрава.

Мит 10: „Една намирница може да спречи или излечи болест“

Не постои магична намирница. Здравјето е резултат на комбинација од исхрана, физичка активност, сон, генетика, животна средина и медицинска грижа.

Наместо да барате една „најздрава“ храна, стремете се кон разновидност и баланс.

Што навистина значи здрава исхрана?

Добрата основа за здрава исхрана е:

-          внес на многу зеленчук и овошје,

-          внес на мешунки и други извори на протеини,

-          вклучување на интегрални житарки во исхраната,

-          консумација на риба и квалитетни протеински извори,

-          консумација на јаткасти плодови и семки,

-          внес на незаситени масти,

-          внес на доволно вода,

-          умерен внес на храна и пијалаци со многу додаден шеќер, сол и заситени масти.

Здравата исхрана не треба да биде совршена. Поважен е целокупниот образец на исхрана низ денови и недели, отколку еден оброк или една „забранета“ намирница.