/61 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Претставникот на Алумни асоцијацијата на Иванов Школата за млади лидери, Дејан Илиоски, ја посети Градската Болница во Кичево и на децата кои ги дочекаа празниците во болница им подели играчки, сликовници и честитки изработени од нивни врсници од градинките ширум Македонија, вклучително и од градинката „Олга Мицеска“.

Дечињата од градинките веќе трета година по ред преку проектот „Прегратка на дар“ ги радуваат своите врсници за новогодишните празници рачно изработувајќи играчки – прегратки со што учат на хуманост, солидарност и емпатија, што е воедно и главната порака на акцијата – „од децата за децата – грам љубов за тон здравје“.

- Многу ни е драго што имаме можност да подржиме една навистина благородна акција, која ни ги стоплува срцата и создава темел за едно похумано општество во кој идните генерации ќе растат со духот на солидарноста, подготвени да им помогнат на оние на кои им е најпотребно – изјави Илиоски.

Проектот „Прегратка на дар“ е организиран од интернет медиумот „Рингераја“ со генерално покровителство на  „Бимилк“. Во рамките на акцијата беа направени околу 7.500 играчки кои освен на децата во болниците ќе им бидат доделени и на домовите за деца без родители и други институции кои згрижуваат дечиња.

Извор: Кичево.мк