/11 /11

Почитувани,

Телевизиска емисија наменета за родители „Кој кого расте“ чии водителе Зорица Црношија во недела на 05.05.2013 во 10.20 часот повторно ве поканува на Телма телевизија да ја следите новата епизода на тема: Талентирани деца

Во неа отворено ќе да разговараат:

1.            Стево Чепишевски, татко на Сара и Горазд Чепишевски, детска ѕвезда и врвен пливач

2.            Весна Гиновска Илкова, оперска дива

3.            Софија Никоска врвна виолинистка

4.            Славица Пенева- педагог

„Спротивно на мислењето дека дарбата и талентот се олеснителни околности за секого, да се има талентирано или надарено дете е предизвик со кој понекогаш тешко се справува и детето и родителите.

Некои од барањата кои се поставени пред тие деца, за нив се одамна прегазен мост, па понекогаш на талентираните или надарените деца им е здодевно низ образовниот процес и често нивните потенцијали остануваат неискористени.

Нема точна формула или потврда дали едно дете ќе стане врвен спортист, сликар или музичар, но и општо познато е дека да се има талент не е доволно само по себе, без соодветен труд и голема посветеност. “- вели Зорица Црношија, водител на емисијата. 

ОХО како продуцент на „Кој кого расте“ има за цел да ги одгатне дилемите со кои се соочуваат родителите при носењето на секојдневните одлуки- кој е најдобриот начин да се одгледаат децата.

Во таа насока, со емисијата сакаме да ги поттикнеме останатите медиуми, новинари и чинители на јавното мислење заеднички да обрнуваме и третираме теми кои ги засегаат родителите и децата.

Одгворност на тимот кој стои зад „Кој кого расте“ е континуиран развој на заедницата во која дејствуваме, за таа цел обработуваме теми кои се значајни и актуелно.

На нашиот канал на Youtube:Кој кого расте, можете да ги гледате сите епизоди, а во меѓувреме пишете ги вашите приказни, желби и впечатоци на kojkogoraste@oxo.org.mk и Facebook страната на „Кој кого расте“.

Со почит, ОХО