Повреди кај мали деца

/11 /11

Тоа значи дека повредите се дел од растењето од првите падови при ползење, до незгоди на игралиште. За родителите, ваквите ситуации знаат да бидат стресни, но клучот е да се реагира смирено и правилно.

1. Грутки и модринки

Падовите се секојдневие кај децата. Најчесто резултираат со грутка на челото или модринка.
Што да направите? Ставете ладна облога како лед завиткан во крпа, 10-15 минути за да се намали отокот. Ако детето повраќа, губи свест или е претерано поспано веднаш побарајте лекарска помош.

2. Исекотини и гребнатини

Мали повреди на кожата како исекотини или гребнатинки се јавуваат при игра, паѓање или контакт со остри предмети.
Што да направите? Исплакнете ја раната со млака вода и благ сапун, потоа нанесете антисептик. Ако е потребно, покријте со стерилна газа. Длабоки рани или крварење што не престанува бараат лекарска интервенција.

3. Изгореници

Децата често можат да се изгорат со топол чај, шпорет или сонце.
Што да направите? Веднаш изладете го местото со млака, не ладна или ледена вода 10-20 минути. Не нанесувајте паста за заби, масло или путер бидејќи тоа може да ја влоши состојбата. Побарајте лекар ако изгореницата е голема, лоцирана на лице или на зглобови.

4. Заглавено предметче во уста или нос

Љубопитните малечки често ставаат ситни предмети каде што не треба.
Што да направите? Ако е во уста и предизвикува гушење, применете техника на Хајмлих но само ако сте обучени или удари со дланка меѓу лопатките додека детето е наведнато напред. Ако е во нос, не обидувај се да го вадиш со стапче или прст. Во овој случај најдобро е лекар да го извади.

5. Извртувања и падови при трчање

Скршените играчки на подот или скокањето на креветот често завршуваат со извртен зглоб или болка во рака/нога.
Што да направите? Ставете ладна облога, одморете ја повредената нога или рака и избегнувајте дополнителен притисок. Ако има голем оток, силна болка или детето одбива да чекори веднаш консултирајте се со лекар.

Совети за смирена реакција

• Останете присебни бидејќи паниката може да го уплаши детето уште повеќе.
• Секогаш имајте опремено домашно сандаче со газа, антисептик и облоги.
• Објаснете му на детето што правите бидејќи тоа ќе ја намали вознемиреноста.
• Ако нешто изгледа сомнително, подобро е да посетите лекар отколку да ризикувате.

Повредите кај децата не можат секогаш да се спречат бидејќи тие се дел од нивното учење и развој. Но, родителите можат многу да помогнат ако реагираат брзо, правилно и смирено. Запомнете, секоја повреда е и можност за учење, и за децата и за возрасните.