/11 /11

Приказната за создавањето на децата родителите можат да ја започнат со приказни за малечките на слоновите, мајмуните или мачките. Можат да раскажат дека родителите кои се сакаат, независно дали станува збор за луѓе или животни, се галат и така се создава бебето во стомачето на мама. Деталите и начинот на создавањето на бебето родителите можат да ги објаснуваат постепено, во зависност од комплексноста на прашањата на детето.

Растејќи децата поставуваат се посложени прашања, па во согласност со тоа и родителите даваат се посложени одговори. Кога детето ќе постави прашање како доаѓа бебето во стомакот на мама, можете да му одговорите дека се спојуваат еден дел од мама и еден дел од тато. Тој нов мал дел е колку гравче, а потоа расте и расте во стомакот на мама додека не порасне во големо бебе.

Детето ќе биде задоволно со тој одговор извесно време, но ќе дојде момент кога ќе бара поконкретен одговор. Та најчесто се случува во школскиот период. Тогаш е време за објаснување што е тоа сексуален однос. Одговорот може да биде: “Секс значи да се води љубов со некоја личност, да се грижиш за неа, да се биде нежен со неа, да се гали и да се допира. Сексот има врска со бебињата. Кога мажот и жената ќе посакаат да имаат бебе, тие прво се гушнуваат, се бакнуваат и многу се приближуваат еден до друг. Толку се блиску што пенисот на мажот може да влезе в вагината на жената . Тоа се нарекува полов однос. Во полов однос влегуваат само возрасни и зрели луѓе.”

Зошто е важно да ја завршите приказната до крај? Затоа што детето може да заклучи дека бебето може да се создаде ако двајца луѓе се гушнуваат и бакнуваат и се блиску еден до друг. Ако детето не ја разрешило дилемата, може да стравува дека ќе создаде бебе ако се бакнува со пријателот/пријателката. Затоа ве советуваме да бидете искрени со детето.