/11 /11

Моментално е дома и нејзина задача е да ги носи седумте деца на училиште.

"Нашето домаќинство понекогаш е хаотично, но не би го менувале овој живот за ништо на светот. Некои луѓе би сакале да имаат многу деца, за да најдат изговор да не работат, но тоа не е случај и со нас. Ме лути кога луѓето мислат дека живееме од социјална помош", објаснува таа.

Тања и нејзиниот сопруг Мајкл, стар 38 години, морале да купат минибус, за да можат најефтино да ги превезуваат децата до училиште. Дневно мораат да купат 10 литри млеко и 20 векни леб, покрај останатите продукти.

"Водењето на нашето домаќинство е како воена операција. За среќа бебињата се доста мирни, па не морам да дежурам секоја ноќ. Без оглед на тоа имам многу работа. Секое утро станувам во 5 часот, инаку сметам дека се излежувам" - објаснува веселата Британка.

Додека да станат првите деца, Тања веќе го средила дневниот веш, ја исчистила куќата и подготвила појадок.

Со сопругот се запознале уште кога биле тинејџери, а интензивно почнале да се дружат во раните дваесетти години. Никогаш не планирале да имаат толку големо семејство.

"Сакав да имам 2 деца, но по неколкуте спонтани абортуси го променив мислењето. Секој пат кога тоа ќе ми се случеше бев потиштена. По неколкуте немили настани сфатив колкаво богатство се децата и дека да се добие дете е вистински благослов."