Во нивните најнови истражувања (чии резултати беа исклучително добро прифатени на конференцијата на Американската Асоцијација за Срце во Њу Орлеанс), матичните клетки беа добиени од крв од папочна врвца. Во експериментот изведен од страна на д-р Sodian, клетките - претходно замрзнати речиси три месеци - беа „посеани” на осум подлоги за срцеви залистоци и вештачки растени во лабораторија. Како резултат на тоа, клетките не само што преживеале и пораснале, туку произвеле и важни елементи од „ектраклеточниот матрикс” т.е. дел од ткиво кое функционира надвор од клетките и е неопходно за одржување на функцијата и структурата на самото ткиво. Иако техниката ветуваше многу, д-р Sodian предупреди дека истражувачите се уште треба да поработат на некои теми, пред да почнат со обиди на луѓе.

 „Ткивниот инженеринг покажа изгледи за идеална замена на срцев залисток, кој ќе трае во тек на целиот живот на пациентот и ќе има потенцијал да расте заедно со реципиентот(примателот) и да го менува обликот по потреба” - додаде д-р Sodian во неговата изјава.

Од Michael Kahn (Reuters)

Во универзитетската болница во Минхен, д-р Reichart со неговиот тим (www.herzklinik-muenchen.de) сега се стреми кон откривање на вродените срцеви маани уште пред раѓањето, за родителите да добијат можност за одлука - да ја зачуваат папочната врвца од нивното дете при раѓањето. Ова ќе биде направено врз основа на договор помеѓу универзитетските болници во Минхен и Ерланген, со што крвта од врвцата, која вообичаено по раѓањето се фрла, ќе биде транспортирана до Ерланген, обработена, тестирана и зачувана. Ова ќе му помогне на д-р Reichart и неговиот тим да им пресадат на болните деца автологни срцеви залистоци или срцеви крвни садови, добиени со вештачко одгледување.)

За дополнителни информации (во Германија):

http://www.uniklinikum-muenchen.de 
http://www.herzklinik-muenchen.de