/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Бактериите се нормални жители во секоја орална шуплина уште од раѓањето на секој поединец. Тие кога се во еден контролиран број живеат во симбиоза со човековото тело. Но кога оралната хигиена се занемарува и не се спроведуваат никакви хигиенски мерки во усната шуплина настанува задршка на остатоци од храна, дентален плак кои се идеални услови за развој на овие микроби.

Главна алка во исхраната на бактериите се (јаглехидратите) шеќерите кои ние секојдневно ги внесуваме во нашата исхрана. Бактериите ги метаболираат шеќерите од кои настануваат (метаболити) киселини во усната шуплина кои ја намалуваат пх вредноста со што минералната структура на забите ги губи минералите од себе. Како забот го губи минералниот состав од себе, така останува само органскиот дел кој пак од своја страна е одличен извор на хранливи материи за бактериите така што се прави еден магичен круг со огромна штета и реперкусии по оралното здравје. На овај процес му треба време.

Значи сето ова не се случува во една ноќ или во една недела. Но се секоја негрижа, невнимание и неодржување на оралната хигиена ние им дозволуваме на микробите полека но сигурно да ги уништуваат нашите заби.