Основното правило што го негуваат традиционалните, модерни родители од Тибет е тоа дека детето никогаш не смее да се понижува, ниту да се казнува физички, од причина што детето не може да се одбрани. Ова се основните тези што ќе ви помогнат да воспитате добро, чесно, толерантно и самосвесно дете…

До 5 години, детето е крал

Додека да наполни 5 години, тибетанските родители се однесуваат кон детето како да е крал. За него прават сè со почит, не му ги забрануваат добрите работи, а од лошите едноставно го одвраќаат. Кога детето ќе направи нешто лошо или ќе тргне да прави нешто погрешно, родителите покажуваат уплашеност и страв со нивниот израз на лицето. Тоа е израз што детето го знае уште од мали нозе, па затоа ќе се откаже од тоа што тргнало да го прави.

До 10 години, детето е роб

По кралскиот третман, во периодот кога детето треба да научи нешто повеќе за животните обврски, за напредокот и квалитетниот соживот со другите, родителите од Тибет почнуваат да ги третираат децата како робови. Не буквално, но со јасни секојдневни задачи и со систем на награди и казни. Казните никогаш не се физички, но се неизоставен дел од овој период кога децата мора да научат како да стекнат позитивен впечаток во општеството. Тоа е темелот врз кој се засноваат сите понатамошни ситуации.

До 15 години, детето е еднакво на родителите

Во овој период од животот, детето треба да научи дека е рамноправно со другите. На оваа возраст децата учат да бидат самостојни и да формираат свое мислење, кое најчесто многу се разликува од она на родителите. Но наместо да забрануваат, тибетанските родители во секој конфликт се обидуваат да ја насочат приказната кон негативните последици, но никогаш не паметуваат директно.

Од 15 години, постои заемна почит

Воспитувањето е практично готово. Детето на оваа возраст е веќе возрасен човек до некаде, па на родителите не им преостанува ништо друго освен да се однесуваат со него како со рамноправен член на семејство, со многу почит и со многу малку загриженост дека детето ќе скршне од правиот пат.