/11 /11

Како дојдов на овој свет (прв дел)

Како дојдов на овој свет (втор дел)

Како дојдов на овој свет (трет дел)

Прв месец

Својот прв месец бебето (да речеме дека е девојче) го поминува во растење од една невидлива ронка до малечко девојче со големина колку твојот заб. Иако е толку мала таа веќе има кичма и зачеток на раце, нозе, нос и очи. Таа дури има и срце кое чука.

Втор месец

Кога ќе помине вториот месец нашето бебе има не само раце и нозе, туку и прсти на нив, лакти и колена. Сега веќе има и лице.

Трет месец

Ова е период во кој бебето почнува да ја развива својата опрема за вриштење. Се обликуваат гласните жици кои ќе и бидат неопходни кога ќе почне да вришти за време на вечерата.

Четврт месец

Сега бебето веќе порасна – големо е отприлика колку мајчината рака. Тоа станува се' поживо и кон крајот на овој месец мама може да почувствува како се движи. (Подоцна ако и ти ја ставиш раката на стомакот на мама, ќе можеш да почувствуваш како бебето мрда.) Некои бебиња толку клоцаат што ти се чини дека играат фудбал.

Петти месец

Ова е голем момент за ќелавите бебиња. Во овој месец главчето го покрива нежна косичка како пердув. Почнуваат да растат и нокти на прстите од рацете и нозете. А докторот со помош на специјален апарат може сето тоа да го види.

Шести месец

Иако не може да види којзнае што (бидејќи внатре е многу мрачно) во овој месец бебето за прв пат ги отвора очните капаци. Истовремено добива веѓи и трепки.

Седми месец

Ако мислиш дека досега било големо, сега бебето е вистински џин. Долго е отприлика колку твојата рака, а тешко е повеќе од 1 килограм. Бидејќи телото веќе му порасна, почнува да расте и неговиот мозок.

Осми и деветти месец

Во последните два месеци бебето расте, зајакнува и се подготвува да го запознае надворешниот свет.

Роденден

Стигнавме до оној ден, низ кој сите сме поминале, а никој од нас не се сеќава на него. Нашиот роденден. Бебето лежи свиткано во својата мајка. Како излегува? Лесен одговор. Едноставно се пробива надвор. После девет месеци на мама веќе и е доста. Бебето е спремно да излезе, а природата се погрижила сите работи да течат по својот тек...

Извадок од книгата на Питер Мејл “Како дојдов на овој свет”

Превод и адаптација: Барбара

Сакаш да дознаеш како дојде на овој свет и како сето тоа се случува?! Биди со Рингераја и следната среда и многу работи ќе ти станат појасни.

До следното читање...