Фото:Canva/Учењето не е само повторување. Тоа е процес кој бара внимание, мотивираност и правилни стратегии.

/11 /11

Сепак, концентрацијата не е природно долготрајна, па потребни се техники кои го поддржуваат фокусот и развојот на когнитивните способности.

1. Кратки и јасни сесии

Децата учат најдобро кога информацијата е поделена на кратки сегменти. На пример:

• 15 до 20 минути учење, па потоа кратка пауза.
• Фокус на еден концепт во одредено време.
• Користење на визуелни материјали и слики за поедноставување на сложените информации.

2. Практична примена

Мозокот подобро запомнува кога информацијата е поврзана со практика. Затоа користете игри кои вклучуваат броење или логичко размислување, како и мали експерименти и активности во секојдневието. Претворете го учењето во игра.

3. Поврзување на учењето со интересите на детето

Децата полесно се концентрираат кога темата ги привлекува. Користете примери од нивното хоби, вклучете приказни, цртежи или музика или пак поставувајте прашања кои поттикнуваат истражување.

4. Ред и рутина

Претходна подготовка и рутина помагаат мозокот да се фокусира. Затоа одредете време и место за учење без одвлекувања, користете едноставен распоред за активности и ограничете го користењето на електронски уреди освен ако се користат за учење.

5. Движение и паузи

Децата се активни и нивниот мозок реагира на движење. Воведете кратки прошетки или физички игри помеѓу учење, истегнување и длабоко дишење и движење за активирање на вниманието и поголема меморија.

6. Поттикнување на самоконтрола

Мозокот учи и преку саморегулација на однесувањето и емоциите. За подобро учење добро е на децата да им се даваат и одредени предизвици кои можат да ги решат самостојно, да играат игри за трпение и чекор по чекор решавање и да бидат пофалени и за трудот, а не само за резултат.

7. Квалитетен сон

Сон и одмор се клучни за концентрацијата. Децата треба да имаат  9 до 12 часа сон, зависно од возраста. Квалитетниот сон помага за поголема меморија и фокус, додека пак недоволен и нередовен сон ја намалува способноста за концентрација.

Мозокот на децата најдобро учи кога учењето е кратко, интересно, практично и поврзано со движење и рутина. Со правилен пристап и поддршка, концентрацијата станува навика, а учењето ефективно и забавно.

Детето кое научило како да се фокусира на свој начин ќе стекне алатки за успех не само во училиште, туку и во животот.