/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Секако дека можете до одредена мера да се обидете да го усогласите стилот на уредување на детската соба, со стилот кој преовладува во другите делови од домот, но ова е место каде е дозволено да се кршат правилата. Во детската соба можете да употребите бои кои никаде на друго место не сте ги употребиле. Допуштено е, дури и пожелбо, да цртате по ѕидовите, да лепите постери и да ставате необични слики.

Имајте на ум дека собата првенствено треба да му се допаѓа на вашето дете/деца, бидејќи тоа е нивното мало царство и место за бегање од светот на возрасните. Затоа дозволете им да лепат налепници ако сакаат, обезбедете им дел од ѕидот или вратата на кој е дозволено да се црта и да дадат сопствен печат на својата оаза. Важно е собата да биде функционална, да има место за одмор, игра и учење, ако се работи за ученик.

Водете сметка за висината на која стојат полиците и седалките, така што детето ќе може лесно да ги користи.  Практично е да се набават основни парчиња мебел како што се кревет, плакар, подвижни фиоки, полици и евентуално работно биро. Сето тоа можете постепено да го надополнувате.

Тепихот или топлата подна облога е многу важен дел од уредувањето на детската соба, бидејќи повеќето деца најмногу  сакаат да играат и да седат на подот. Тепихот би требало да биде доволно голем , лесен за одржување, од природни материјали, забавни мотиви и удобен за седење/лежење на подот. Доколку не сакате тепих во детската соба, подна облога од плута е здраво и удобно решение.

Обидете се да ги држите електричните уреди надвор од детската соба, што заради подобра контрола на количината на времето кое вашите деца го поминуваат на компјутер, таблет и ТВ, туку и заради намалување на зрачењето на местото каде детето спие.