Фото:Canva/Честа, но често непрепознаена состојба што бара навремено внимание.

/11 /11

Иако често се сметаат за лесни, ако не се препознаат и третираат навреме, можат да доведат до компликации. Затоа е важно родителите да ги знаат симптомите, причините и начинот на превенција.

Што претставува уринарна инфекција?

Тоа е инфекција на дел од уринарниот систем: бубрезите, мочниот меур и уретрата

Најчесто е предизвикана од бактерии од дигестивниот тракт.

Симптоми кај деца

• Симптоми кај помали деца и бебиња:

-        покачена температура без јасна причина,

-        раздразливост,

-        намален апетит,

-        повраќање.

• Симптоми кај поголеми деца:

-        болка или печење при мокрење,

-        зачестено мокрење,

-        болка во долниот дел на стомакот,

-        матна или непријатно миризлива урина.

Зошто се појавуваат уринарните инфекции?

Причини за нивна појава се: недоволна хигиена, запек, задржување на урина, предиспозиции, а кај девојчињата и пократка уретра.

Како се дијагностицира?

Дијагнозата се врши преку: анализа на урина, уринокултура, а во некои случаи се вршат и дополнителни испитувања.

Третман

• Се препишува нтибиотска терапија од страна на лекар.
• Се препорачува поголем внес на течности.
• Повеќе одмор и внимателно следење на симптомите.

Превенција

Заштитата од овие инфекции поаѓа од секојдневните навики како: редовна и правилна хигиена, бришење од напред кон назад, редовно мокрење, доволен внес на водаи избегнување тесна и синтетичка облека.

Кога да се јавите на лекар?

• Ако детето има висока температура без причина.
• Ако чувствува болка при мокрење.
• При повторувачки инфекции.

Иако уринарните инфекции кај деца се чести, со навремено препознавање и правилен третман најчесто се решаваат без последици. Клучот е во вниманието кон симптомите и создавање здрави навики уште од најрана возраст.