/11 /11

После лавовската борба, малата Тијана Огњановиќ (8) ја изгуби битката за живот, но пред тоа успеа да разбуди она што се плашиме дека одамна почна да умира – човечноста во сите нас. Целата земја и регионот се активираа да му помогнат на осумгодишното девојченце чие срце веќе немаше сила да чука. Прв пат се немаше ни изговор ни чекање да се направи нешто добро за другиот. Тијана, благодариме за најважната животна лекција на која не научи сите нас!

На Тијана и се слоши во декември минатата година, кога после бројни компликации започнаа да и откажуваат бубрезите. Од тогаш започна нејзината трка со времето и неуморната борба за живот. Родителите Јелена и Небојша Огњановиќ преку медиумите покренаа хуманитарна акција која за кратко време ја крена цела Србија на нозе.

Најпрво се одзваа другарите на Тијана од основното училиште Иво Андриќ, кои на 19-ти март организираа концерт во Домот на културата Раковица. После на акцијата се приклучи пејачката Александра Радовиќ несебично нудејќи се да организира хуманитарен концерт во Сава Центар. Одзивот беше неверојатен. На концертот на 22-ри март се појавија и стари и млади и за една вечер се собраа дури 2.411.053 динари.

Тука веќе стана јасно – ќе се направи се за да се спаси Тијана. На крајот на март, Сергеј Трифуновиќ, гостувајќи во емисија посветена на Големиот брат, ги поканува сите да се освестат и да помогнат на девојчето. После тоа се одзива и неговиот сараевски колега Феџа Штукан, кој се вклучува со пријателите во акција за собирање пари.

-       Пред едно три месеци покренав акција за спасување на животот на еден бездомник во Сараево. Бидејќи немав пари да му помогнам сам, од очај побарав помош преку Фејсбук, а луѓето почнаа да се јавуваат. Босанци и Херцеговци од сите краеви на светот: пилоти, падобранци, студенти, режисери, глумци, глумици, забари, адвокати, градежници, спортисти, атеисти, верници, муслимани, срби, хрвати, евреи... и не ме прашувај зошто, но и покрај огромниот труд на сите нас, акцијата за спасување пропадна, но акцијата за спасување на нас како луѓе – успеа. На мојата банкарска сметка уште стојат парите за помош, со кои не знаев што да правам. После твојот човечки гест на ТВ Б92 сфатив што треба да направам. Се јавив на сите тие луѓе и ги прашав дали се сложуваат нивните пари да ги префрлам на сметката на малата Тијана и сите до еден одговорија обавезно – покажа тогаш Штукан.

Борбата не престанува, вработените во МУП се согласуваат да им се одбие од мартовската плата по 1000 динари за малата Тијана и успеваат да соберат околу 37 милиони динари. Потоа се јавуваат и фудбалери од репрезентацијата на Црна Гора кои уплатија 25 000 евра.

Првата рунда е добиена. Веќе до 2-ри април собрани се 500.000 долари за депозит за сместување во болницата во Хјустон, а десет дена подоцна малата Тијана со специјализиран медицински авион оди со родителите и лекарот таму на лечење.

Прогнозите беа оптимистички. Сите веруваа дека битката ќе биде добиена. Тијана не спаси како луѓе и сите се молевме за нејзиниот спас. Нова надеж се влеа кога на 3-ти мај Тијана беше ставена на листата за чекање на ново срце.

Се бореше како лав, но веќе не можеше да издржи. Почина на 15-ти јули и зад себе остави милиони тажни луѓе. Не го дочека новото срце, но успеа да ги спаси нашите.

Својот последен Велигден го помина во српската црква "Свети Сава" во Хјустон.

Извор:Блиц