/11 /11

ЕТАБЛИРАНО СО ДЕЦЕНИИ

Во 1988 беше докажано дека крвта од папочната врвца може да се користи за замена на оштетена коскена срж кај човекот. Оттогаш овие хематопоетски (крвни) матични клетки (HSC) станаа докажана терапија во третирањето на неколку крвни заболувања како леукемија (малигно заболување на крвта), анемија (недостаток на хемоглобин) и некои автоимуни заболувања (каде организмот ги напаѓа сопствените клетки).

Заклучно со 20 годишнината на овој успех, 15.000 лица биле третирани со помош на трансплантација на матични клетки од папочна врвца.

УСПЕШЕН РАЗВОЈ ВО ПЕРИОД ОД ПРЕКУ 20 ГОДИНИ

Прв валиден успех во употребата на хематопоетски (крвни) клетки од папочна врвца датира од 1988. Во тоа време петгодишно дете кое боледувало од ретка генетска болест наречена Фанкониева анемија, било третирано со матични клетки од папочната врвца на неговата новородена сестра.

Денес, 20 години по трансплантацијата не само што момчето е со добро здравје, туку долгорочно е постигнато нормално функционирање на целата негова крв и имунолошки систем.

Дваесет години наназад само една болест можеше да се третира со матични клетки од папочна врвца; пред десет години само неколку болести.

Денес матичните клетки од папочна врвца успешно се користат за третман на повеќе од 70 заболувања од крвно потекло и повеќе од 15 заболувања од друга природа. Некогаш се работи за рак на одделни типови крвни клетки (како што се леукемиите) или други заболувања на крвта (како што се анемиите). Некои имунодефициенции, автоимуни заболувања (состојба, кога имуниот систем на телото ги напаѓа сопствените клетки) и метаболни заболувања исто така може да се третираат со матични клекти од папочна врвца.

На почетокот, повеќето третмани користеа алогена (донирана) крв од папочна врвца. Како и да е, можноста за зачувување на матични клетки од папочна врвца го отвори патот за автологни третмани. Не само што бројот на вакви третмани рапидно се зголеми во последниве неколку години, туку и листата на болести кои може да се третираат постојано се проширува. Тумори кои не се од крвно потекло како ретинобластом (тумор на очите) и неуробластом (тумор на мозокот) од недамна се додадени на листата.

Но потенцијалната употреба на крвта од папочна врвца не престанува тука. За да ја погледнете листата на заболувања кои може да се третираат со матични клетки од папочна врвца, кликнете овде Листа на болести