Фото:Canva/Ако се сомневате на целијакија, не започнувајте диета сами. Прво консултирајте се со лекар или гастроентеролог бидејќи точната дијагноза е првиот чекор кон здрав живот.

/11 /11

Кај оваа појава при внесувањето глутен се предизвикува имунолошка реакција која го оштетува тенкото црево и ја намалува апсорпцијата на хранливи материи.

Што точно се случува во телото?

Кога лице со целијачна болест ќе внесе глутен, неговиот имунолошки систем погрешно го препознава како закана и почнува да напаѓа сопствени клетки во цревата.

Овој процес ја оштетува внатрешната обвивка на тенкото црево (вилусите), кои се задолжени за апсорпција на хранливи материи.

Како резултат, организмот не може правилно да ги искористи храната, витамините и минералите, што доведува до низа симптоми и здравствени последици.

Најчести симптоми

Целијачната болест може да се манифестира различно кај секое лице, некои имаат изразени дигестивни тегоби, а кај други се јавуваат т.н. „тивки“ симптоми.

Најчести знаци кај деца и возрасни се:

• хронична дијареа или запек
• надуеност и болки во стомакот
• губење на тежина или недоволно зголемување на тежината
• хроничен замор и слабост
• анемија (недостаток на железо или фолна киселина)
• сува кожа и испаѓање на коса
• остеопороза и болки во коските
• кај жените доведува до неправилен циклус или потешкотии со забременување

Кај децата, целијачната болест често доведува до забавен раст и доцнење во развојот, поради слаба апсорпција на хранливи материи.

Како се дијагностицира целијакијата?

Дијагнозата обично вклучува комбинација од:

• крвни тестови за откривање на специфични антитела (anti-tTG, EMA, DGP)
• биопсија на тенко црево за потврда на оштетувањето на вилусите
• генетско тестирање кај лица со семејна историја на болеста

Важно е да не се започне безглутенска исхрана пред тестирањето, бидејќи тоа може да даде неточни резултати.

Како се лекува оваа болест?

Во моментов нема лек што целосно ја елиминира болеста, но целосно избегнување на глутен овозможува цревата да се регенерираат и симптомите да исчезнат.

Тоа значи елиминација на: пченица, јачмен, ’рж, спелта, како и на оние производи што ги содржат: леб, тестенини, колачи, панировки, некои сосови и супи

Денес, постојат многу безглутенски замени како брашно од ориз, пченка, хељда, киноа и амарант, кои овозможуваат разновидна и здрава исхрана.

Живот со целијакијата

Со внимателно планирање и информираност, лицата со целијачна болест можат да живеат целосно нормален и активен живот.
Клучот е во: читање на декларациите на производите, избегнување на вкрстена контаминација со глутен, едовни контроли кај гастроентеролог и нутриционист

По неколку месеци на безглутенска исхрана, телото започнува да се обновува, енергијата се зголемува, а симптомите значително се намалуваат.

Целијакијата не е лесна, но е болест која може целосно да биде целосно контролирана со правилна исхрана и дисциплина.
Најважно е навремено откривање и прифаќање на новиот начин на исхрана затоа што секое тело заслужува да функционира без воспаление, болка и ограничувања.