Фото:Canva/Депресијата и анксиозноста не живеат само во мислите. Тие живеат во телото, во енергијата, во секојдневните реакции.

/11 /11

Еден од најзабележливите и честопати најчувствителни ефекти е зголемувањето на телесната тежина. За многумина ова е дополнителен извор на стрес, вина и незадоволство од личниот изглед, што само ја влошува состојбата.

Но важно е да се разбере дека зголемувањето на килограмите не е резултат на слаб карактер или недостаток на дисциплина. Напротив, тоа често е сосема природен одговор на телото кое се обидува да се справи со психолошкиот притисок.

Како депресијата влијае на телото?

Депресијата често го успорува метаболизмот и ја намалува енергијата.
Симптоми кои можат да водат кон зголемување на телесната тежина се:

• Намалена мотивација за физичка активност
• Потреба за храна која дава „брза утеха“ (слатко, леб, тестенини)
• Намалена дисциплина во рутината на спиење и исхрана
• Хормонални промени кои го зголемуваат складирањето на масти.

Кога телото бара утеха честопати ја наоѓа во храната.

Анксиозност и „емоционално хранење“

Анксиозноста ја активира реакцијата бори се со мене или бегај. Телото ослободува кортизол хормон кој: ја зголемува желбата за калорична храна, создава лажен сигнал за чувствување глад, го складира масното ткиво особено околу стомакот.

Ова објаснува зошто многу луѓе кои живеат со хроничен стрес имаат потешкотии да ослабат, дури и кога не јадат многу.

Зошто тежината станува емоционален товар?

Зголемувањето на тежината често носи: чувство на вина, незадоволство од сопствениот изглед, пад на самодовербата, повлекување од социјални активности.

Ова може дополнително да ја продлабочи депресијата или анксиозноста.

Како да се поддржите себеси?

Нема брзи решенија, но има вистински, нежни и здрави чекори:

1. Малку движење, без притисок

Прошетка од 15 минути дневно може да го намали нивото на анксиозност повеќе од интензивен тренинг.

2. Потребата за храна е потреба за утеха

Прашајте се: „Дали сум гладен/на, или барам смирување?“

3. Редовни оброци, лесни за телото

Организмот се смирува кога има ритам.

4. Разговор и поддршка

Разговор со психолог, терапевт, партнер или блиска личност може да го намали товарот.

5. Нема срам во ранливоста

Да побараш помош е сила, не слабост.

Депресијата и анксиозноста живеат во телото, во апетитот, во енергијата, во килограмите.
Зголемувањето на телесната тежина во такви периоди е сосема разбирлива реакција, а не личен неуспех.