/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Психолозите, сепак  не се сложуваат ниту со едните, ниту со другите. Криењето на одредени делови од сопственото тело е за осудување. Па дури и смешно. Тие кои тоа го прават им покажуваат на децата дека тоа е нешто лошо, непосакувано. Не е потребно дополнително да се објаснува какви можат да бидат последиците од ваквото воспитување.  

Од друга страна, не може да се прифати и другото  сфаќање без одредени резерви. Бидејќи, доколку е точно дека гледањето  на голо тело, кај детето го намалува сексуалното интересирање, тогаш и тоа не е добро. За среќа, не е така. Колку и да биде изложено на детската љубопитност, човечкото тело секогаш ќе биде привлечно и возбудливо. Но, зарем родителите не се изложуваат на опасност дека премногу ја предизвикуваат детската љубопитност, наместо да ја смират задоволувајќи ја.  

Тој вид на предизвикување на љубопитноста нема во себе ништо  за осуда или опасност, под услов родителите да се однесуваат спонтано и нивното разголување пред детето да биде нешто случајно, а не програмирано. Кога ќе ги види голи родителите, детето останува рамнодушно, доколку и самите родители со своето однесување не создадат кај детето чувство дека се работи за нешто лошо и непријатно. Треба да се прилагодувате на ситуациите. Ако детето влезе во бањата додека еден од родителите се бања, не треба да го бркате надвор. Но, доколку не влезе, не треба да го викате внатре. Кога нивната љубопитност ќе се разбуди, детето само ќе се заинтересира.