Фото:Canva/Не секогаш ќе погодите од првпат и тоа е во ред. Бебето учи да комуницира, а вие учите да го разбирате.

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

1. Плач од глад

Овој плач е ритмичен и постепено се засилува. Бебето ги движи усните, ја врти главата (рефлекс на барање) и става рачиња во уста. Обично престанува веднаш штом ќе почне хранењето.

2. Плач од умор

Ова плачење повеќе наликува на „жалење“. Бебето ги трие очињата и станува раздразливо без очигледна причина. Претераната стимулација често води до ваков плач.

3. Плач поради непријатност

Овој плач е нагол и краток и при него телото се извива. Може да се појави при мокра пелена, студ или жештина. Затоа проверете ја пелената, облеката која ја носи бебето и температурата во просторијата.

4. Плач од болка

Ова плачење има остaр и висок тон. Изненадно е и интензивно, а бебето може да ги стегне тупаниците или да ги подигне нозете доколку има грчеви. Ако плачот е необично силен или продолжува долго, консултирајте се со педијатар.

5. Плач од потреба за блискост

Кога бебето плаче поради оваа причина тоа се смирува при земање во раце. Овој плач е помек, но упорен, а бебето бара контакт кожа на кожа. Новороденчињата имаат силна потреба од сигурност и допир.

6. Плач поради прекумерна стимулација

Кога бебето е прекумерно стимулирано во текот на денот се појавува овој плач кој се манифестира со нервозно вртење на главата, избегнување контакт со очи или настанува веднаш по негов престој во бучна средина. Намалете ги светлината и звукот и создадете мирна атмосфера.

Колку е нормално да плаче бебето?

• Новороденчињата можат да плачат 1 до 3 часа дневно
• Периодот околу 6тата до 8мата недела често е најинтензивен.
• Плачот постепено се намалува по третиот месец.

Кога да побарате лекарска помош?

Обратете се на педијатар ако:

• плачот е постојан и неконтролиран,
• бебето има температура,
• одбива храна,
• делува поспано или невообичаено летаргично.

Бебето не манипулира, не се разгалува ако го земате во раце. Вашиот одговор на плачот гради чувство на сигурност и доверба.

Со тек на време, ќе станете експерт за плачот на вашето бебе затоа што секое бебе има свој „јазик“.