/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Погледнете што прават бебињата во првиот час по раѓањето, кога нема надворешни влијанија:

Минута 0: Бебињата заплакуваат за прв пат, што помага да им се "разбудат" белите дробови.

Минута 2: Кога ќе заплачат, бебињата поминуваат помалку од една минута, мирно и релаксирачки врз градите на мајка си.

Минута 2,5: бебињата почнуваат да се будат, стануваат поактивни и ги отвораат очите за прв пат. Постепено почнуваат да ги движат усните и главата.

Минута 8: Бебињата стануваат поактивни. Ги држат очите отворени подолго време. Започнува да се буди нивниот рефлекс за хранење и почнуваат да ги бараат градите на својата мајка. Ги придвижуваат рацете кон устата и испуштаат шармантни звуци со кои укажуваат дека се гладни.


Минута 18: Сè досега беше исцрпувачки. Време е за нов одмор.

Минута 36: Oдморени и освежени, бебињата повторно ги бараат градите на мајката. Притоа му веруваат на сетилото за мирис, за да го најдат "патот".

Минута 62: Бебињата цицаат. Голтаат мали количини колострум - првото млеко кое е полно со протеини и корисно за нивниот имунолошки систем. Тоа рано доење ги стимулира градите да произведуваат млеко и и помага на матката да се намали побрзо, за да се врати во претходната состојба.

Минута 70: Следува заслужен одмор. Бебињата заспиваат повторно.


Наведените вредности минути се условни и се базираат на истражувањето што е направено меѓу релативно мал број новороденчиња - 28. Истражувањата ќе продолжат, бидејќи целта на научниците е во болниците да се воведат успешни практики и да го  фаворизираат доењето.