/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Предавањето ќе се одржи во сабота, 29 март 2014г, од 17 до 19 часот во БАС - Бизнис Академија Смилевски (над ВЕРО во Аеродром). По предавањето се планира прикажување на едночасовниот документарен филм „Дула“ (со хрватски титл). Работилницата е бесплатна. Проширете ја веста до оние кои мислите дека би биле заинтересирани да дојдат!

Што е дула?

Дула е емотивна, физичка и психолошка поддршка и помош на родилката за време на породувањето. Тоа е личност која верува во способноста на секоја жена да се породи, која ја знае вредноста и радоста на раѓањето, и која е способна да верува во родилката дури и кога таа самата и другите околу неа се сомневаат. Дула е збор со грчко потекло и значи служителка. Дулата ќе и помогне на родилката да ја заземе положбата која најмногу ? одговара, ќе ја масира за да ? ги олесни болките, ќе ? става облоги, ќе ја држи за рака со цврсто уверување дека таа може да пројде низ процесот на породување. Или, доколку родилката го сака тоа, само ќе седи покрај неа и ќе биде присутна за неа.

Со континуирана поддршка на дулата

- се зголемува веројатноста за природно породување (12%),
- се смалува веројатноста за медицински интервенции, како што се царски рез (28%), користење на индукција (40%) или епидурална анестезија, вакуум екстрактор или форцепс,
- породувањето се забрзува и за неколку часа,
- се зголемува задоволството од искуството на раѓање (34%),
- се зголемува бројот на мајки кои успешно го дојат своето бебе,
- се смалува веројатноста од заболување од пост-породилна депресија, родителите се чувствуваат посигурно, а со самото тоа и подобро и со поголема самодоверба се прилагодуваат на новиот семеен живот.

Важно е да се знае дека дулата не е исто што и бабица. Бабицата е медицинско лице, кое има знаење и вештини да биде со родилката за време на породувањето и се грижи се да пројде во најдобар можен ред од медицинска гледна точка. Дулата не е медицинско лице, иако многу добро ја познава физиологијата на породувањето. Дулата исто така е поддршка и на самата бабица, никогаш нејзина замена.

Односот на дулата и родилката започнува уште за време на бременоста, кога тие се запознаваат и среќаваат неколку пати пред породувањето. За време на тие средби дулата и родилката имаат можност да се запознаат подобро, да разговараат за желбите, плановите, сомнежите и стравовите на родителите.

Од голема важност е дулата и родилката да бидат на иста бранова должина, меѓусебно да се разбираат и со леснотија да остварат блискост и взаемна доверба.

Дула може да се стане со завршување на обука преку неколку етаблирани организации во светот. Најголемата од нив е DONA INTERNATIONAL, специјализирана за обука и промоција на дулите. Доколку има интерес, може да се организира обука за дули и во Македонија.

Повеќе за дулите можете да дознаете на сајтот на Здружението на дули на Србија, www.dula.rs или на фејсбук страната на Светската недела на дулите, https://www.facebook.com/worlddoulaweek.