Бременост

/11 /11

Овој тип исцедок, познат како леукореја, е сосема нормален дел од бременоста и обично е знак дека телото си ја врши работата правилно. Но, важно е да знаете што е нормално, а кога треба да се обратиш кај лекар.

Што е леукореја?

-        Леукореја е течен, белузлав или проѕирен вагинален исцедок, со лесна или слузеста текстура вообичаено без непријатен мирис,

Овој исцедок се појавува и пред бременоста, но за време на бременост, особено во првите недели, може да се зголеми во количина и да стане поочигледен.

Зошто се јавува за време на бременост?

Причините за појава на леукореја се поврзани со:

-        Зголемен проток на крв кон вагиналната област,

-        Хормонални промени, особено зголемување на естроген,

-        Зголемено создавање на слуз како дел од природната заштита на телото.

Исцедокот има улога да одржува вагиналната флора здрава, да штити од инфекции и да ја одржува вагиналната средина чиста.

Кога се јавува?

-        Леукорејата може да започне уште во првите недели од бременоста,

-        Се засилува во вториот и третиот триместар,

-        Кон крајот на бременоста може да стане погуста и со повеќе слуз – што може да биде знак за исфрлање на слузниот чеп пред породување.

Што е нормално, а што не?

Нормално:

• Белузлав или млечен исцедок
• Без јак или лош мирис
• Без чешање или печење

Не е нормално ако:

• Исцедокот е жолт, зелен, сив
• Мириса на риба или е непријатен
• Има сврбеж, печење, црвенило или болка
• Содржи крв (надвор од очекуваниот период)

Во тие случаи, можно е да станува збор за инфекција, како вагинална габа, бактериска вагиноза или полово пренослива инфекција и потребна е посета кај гинеколог.

Како да се справиш со зголемениот исцедок?

-        Користете памучна долна облека и менувајте ја често

-        Избегнувајте тесна облека и синтетички материјали

-        Одржувајте редовна и нежна интимна хигиена, без агресивни сапуни или туширање внатрешно

-        Користете дневни улошки ако ти е поудобно, но менувајте ги често

-        Бидете внимателиа на промените во текстурата, бојата и мирисот

Леукорејата е нормална, здрава појава за време на бременост и најчесто нема причина за загриженост. Сепак, бидете внимателни на промените. Вашето тело секогаш испраќа сигнали. Ако имате дилеми или непријатности, не се двоуми да се консултирате со гинеколог. Подобро е да проверите, отколку да претпоставувате.