Фото:Canva/Безбедност, квалитет и практичност, најважните критериуми за секој родител.

/11 /11

Бебешката кожа е многу понежна и почувствителна од кожата на возрасните, што значи дека полесно реагира на иритации и хемикалии. Затоа, изборот на безбедни производи е клучен уште од првите денови.

Прво правило, читај ја декларацијата
Производите што се означени како „нежни“, „природни“ или „хипоалергени“ не секогаш се целосно безбедни. Важно е што навистина содржат.

Кај шампони и гелови, препорачливо е да се избегнуваат:
- сулфати кои можат да ја сушат и иритираат кожата,
- парабени и фталати кои се поврзани со хормонални нарушувања,
- вештачки мириси и бои кои се чести алергени,
- алкохол кој ја суши кожата.

Кај креми и марамчиња, внимавај на:
- формалдехид и слични конзерванси,
- пропилен гликол кој може да предизвика иритација,
- силни хемикалии и непотребни додатоци.

Наместо тоа, бирај производи со:
- кратка и јасна листа на состојки,
- неутрален pH,
- без мирис (fragrance-free, не само „unscented“),
- природни и нежни компоненти како алое вера или растителни масла.

Колку поедноставен состав, толку помал ризик од реакција.

Исто така, имајте на ум сека секое бебе е различно. Дури и најнежниот производ може да не одговара на секое дете, па затоа е добро да се направи мал тест на кожа пред редовна употреба.

Безбедноста не значи најскапото средство за лична хигиена туку најсоодветното.

Грижата за бебешката кожа започнува со информиран избор.