Фото:Canva/Истражувањата покажуваат дека мајките со повеќе деца често живеат подолго, телото и љубовта имаат своја тајна врска.

/11 /11

На прв поглед, ова звучи изненадувачки со оглед на тоа дека родителството, особено кога станува збор за повеќе деца, е поврзано со недостиг на сон, стрес и физичка исцрпеност. Па, како е можно токму тие мајки да живеат подолго?

Природен биолошки „штит“

Некои научници сметаат дека бременоста и доењето имаат заштитен ефект врз телото на жената. Во текот на овие процеси, хормоните, особено естрогенот и окситоцинот имаат позитивно влијание врз срцето, крвните садови и имунолошкиот систем.
Со секоја нова бременост, телото се адаптира, се зајакнува и создава долгорочни биолошки придобивки.

Емоционална поврзаност и смисла

Мајките со повеќе деца често имаат постојано чувство на припадност и поврзаност, што психолозите го опишуваат како „емоционален штит“.
Блискоста со децата, секојдневниот контакт, грижата и љубовта создаваат повисоко ниво на хормоните на среќата, серотонин и допамин кои директно влијаат на долгорочната благосостојба.

Тоа не значи дека животот со повеќе деца е лесен, но чувството дека некој постојано ти ја исполнува душата и срцето може да биде вистински еликсир на младоста.

Психолошка отпорност

Мајките кои воспитуваат повеќе деца учат да бидат пофлексибилни, трпеливи и отпорни на стрес. Тие подобро се снаоѓаат во непредвидливи ситуации, научени се на организација и рационално решавање на проблеми.
Оваа ментална кондиција им помага и во подоцнежните години, телото старее, но умот останува активен и силен.

Поддршка во зрелите години

Од социјален аспект, мајките со повеќе деца често имаат поголема семејна поддршка во подоцнежниот живот. Повеќе деца значи повеќе блиски луѓе околу нив, повеќе внимание, разговори и помош кога е потребно.
Токму оваа емоционална и практична сигурност може да придонесе за подолг и посреќен живот.

Но, не е само бројот важен

Истражувањата велат дека клучот не е во бројот на деца, туку во квалитетот на односите. Мајка со едно дете, но со силна емоционална врска и стабилна семејна поддршка, може да има исто така долголетен и среќен живот.

Мајчинството го менува телото, умот и душата.
Без разлика дали имате едно, две или пет деца, љубовта, грижата и топлината што ги споделувате се најсилниот лек против стареењето.
Науката можеби мери години, но мајчинството ја мери љубовта, а токму таа колку и да ја делите секогаш ви се враќа како сила, младост и живот.