Фото:Canva/Физичката активност за време на бременоста не значи напор или исцрпување. Напротив, правилно избраните лесни вежби можат да ја подобрат циркулацијата, да ја намалат болката во грбот, да помогнат во регулирање на тежината и да придонесат за подобро психичко здравје.

/11 /11

Зошто движењето е важно во бременоста?

• Ги зајакнува мускулите на грбот, нозете и стомакот.
• Го подобрува балансот и стабилноста.
• Го намалува стресот и анксиозноста.
• Го подготвува телото за раѓање.
• Помага во контрола на телесната тежина.

Препорачани лесни вежби

1. Пешање и лесна прошетка

• Дури и 15 до 20 минути пешачење дневно ја подобрува циркулацијата и го одржува срцевиот ритам.
• Одберете рамни патеки и удобни обувки.

2. Странични чучнувања

• Стојте исправено со нозете поставени во ширина на рамењата.
• Полека свиткајте едно колено на страна и вратете се назад.
• Направете серија по 10 до 12 повторувања по нога.
• Овие вежби го зајакнуваат задникот и внатрешниот дел на нозете.

3. Кошнички за раце со лесни тегови

• Седнете на столица или стојте исправено.
• Држите тегови со тежина од 0,5 до 1 кгр. и подигнувајте ги бавно пред себе и на страна.
• Најубаво е да направите 10 до 15 повторувања.
• Овие вежби ја зајакнуваат мускулатурата на рацете и рамениците.

4. Планк на колена

• Поддржете се на подлактици и колена.
• Тело нека биде исправено како даска.
• Доволно е 15 до 20 секунди задржување
• Оваа вежба ја зајакнува мускулатурата на стомакот без премногу притисок на него.

5. Истегнување и релаксација

• Седнете или легнете удобно.
• Истегнете ги нозете, рацете и вратот.
• Длабоко дишете 5 до 10 минути.
• Со ова се намалува заморот и стресот.

Совети за безбедност:

• Секогаш консултирајте се со гинеколог пред започнување со било какви вежби или физички активности.
• Избегнувајте силни скокови, брзи движења или тежини што предизвикуваат напор.
• Пијте доволно вода и одморајте се кога е потребно.
• Слушајте го телото. Секоја болка или замор е сигнал да запрете.

Движењето за време на бременост е здрав избор кога се прави правилно. Лесните домашни вежби ги подготвуваат мускулите, ја подобруваат циркулацијата и го подобруваат расположението, без да се загрозат мајката и бебето.