Пол на бебе

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Без разлика дали сакате веднаш да дознаете или сакате изненадување при раѓањето, денес постојат неколку начини, временски рамки и причини за да ја откриете оваа информација.

Кога може да се дознае полот?

Времето кога медицински е можно да се открие полот на бебето зависи од методот кој се користи:

1. Неинвазивен пренатален тест (NIPT) – Од 9-та недела

Овој тест најчесто се прави за да се проверат хромозомски абнормалности, но може и да го открие полот преку ДНК анализа од крвта на мајката. Резултатите се многу точни (повеќе од 99%), но не е рутински проверка. Најчесто се прави кај жени со повисоко ризична бременост.

2. Ултразвук (ехо) кое се прави околу 18-20 недела

Ова е најчестиот и најприфатен метод. При рутинскиот морфолошки преглед, докторот може да го види полот доколку бебето е во соодветна положба. Овој метод е околу 95% точен.

3. Амниоцентеза или хорионска биопсија, прецизна, но инвазивна проверка

Овие тестови се користат главно за откривање генетски нарушувања, но автоматски го покажуваат и полот. Се прават само по медицински индикации, бидејќи носат мал ризик од компликации.

Зошто да (не) го дознаете полот однапред?

Некои родители сакаат да го дознаат полот за:

• Подобро планирање (име, облека, соба)
• Поврзување со бебето уште пред раѓање
• Организација на „откривање на полот“ забава

Други пак, одбираат изненадување, како дел од магијата на породувањето. Нема правилно или погрешно, се е личен избор.

Совет од стручњаците:

Доколку решите да го дознаете полот, имајте предвид дека во ретки случаи, и ултразвукот може да згреши. Затоа, секогаш фокусирајте се на здравјето и развојот на бебето, а не само на неговиот пол.

Без разлика дали е момче или девојче, доаѓа нов живот полн со љубов, радост и нови почетоци. А полот е само една мала, но слатка алка во таа голема животна приказна.