Фото:Canva/Иако најчесто исчезнува сам од себе, одредени типови може да предизвикаат промени на грлото на матката и други здравствени состојби. Информираноста, навремените гинеколошки прегледи, заштитени интимни однеси и вакцинацијата играат клучна улога во превенцијата.

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Информираноста, раната заштита и правилниот третман можат да спречат сериозни последици.

Овој текст ти го носи она што секоја жена и маж треба да го знае.

Што е всушност HPV?

HPV претставува група од повеќе од 150 различни типови вируси.
Тие имаат две големи категории:

-        Нискоризични типови кои предизвикуваат брадавици на кожа или генитална област и кои најчесто се безопасни.

-        Високоризични типови кои можат да доведат до промени на клетките на грлото на матката и ако не се следат со тек на време да преминат во рак.

Повеќето луѓе барем еднаш во животот ќе дојдат во контакт со HPV. Во многу случаи, организмот самиот го елиминира вирусот без симптоми.

Како се пренесува HPV?

HPV се пренесува исклучително лесно преку: сексуален контакт кој не мора да биде со пенетрација, контакт кожа на кожа во интимната зона и ретко преку заразени предмети.

Конвенционалните кондоми ја намалуваат, но не ја елиминираат шансата за пренос, бидејќи вирусот може да се наоѓа и на површина непокриена со кондом.

Кои симптоми ги предизвикува HPV?

Најчесто нема никакви симптоми. Тоа е причината зошто многу жени не знаат дека го имаат вирусот сè додека не направат ПАП тест.

Кога има симптоми, најчести се: генитални брадавици, промени на ПАП тестот и ретко чешање или мала непријатност кај гениталната зона.

Високоризичните типови не предизвикуваат болка или видливи симптоми – затоа редовните гинеколошки контроли се клучни.

Како се дијагностицира HPV?

Најважни методи се:

1. ПАП-тест кој открива промени на клетките на грлото на матката.

2. HPV тест кој означува дали е присутен вирусот и кој тип.

Комбинацијата од овие два теста дава најсигурна слика за ризикот.

Дали HPV се лекува?

Во многу случаи овој вирус се лекува. Имунитетот може и природно да го елиминира вирусот. 

Кога има потреба од третман?

• При појава на брадавици.
• При промени на грлото на матката (CIN промени).
• Ако HPV остане присутен подолго време.

Третманите може да вклучуваат локална терапија, процедури за отстранување на променетото ткиво или третмани за брадавици. Гинекологот одредува што е најбезбедно во секој случај.

Како да се заштитиш?

1. Вакцинацијата е најсилната заштита против високоризичните типови на HPV.
Може да се примени и кај момчиња и кај девојки, а исто така и кај возрасни жени и мажи.

2. Редовни гинеколошки прегледи. ПАП тестот спасува животи преку рано откривање промени што можат да се излечат навреме.

3. Безбеден сексуален контакт. Кондомите го намалуваат ризикот, иако не го елиминираат.

4. Здрав имунитет. Стрес, пушење и слаб имунитет го олеснуваат задржувањето на вирусот во телото.

Нема место за стигма

HPV не е „нечиста“ инфекција, не е знак на промискуитет и не е нешто што човек сам го избира. Тоа е честа, нормална, човечка вирусна инфекција.

Стигмата само ги оддалечува луѓето од прегледи, а раното откривање е најголемиот спасувач.

Со информации, одговорност и редовни прегледи можеш да го намалиш ризикот и да си го зачуваш здравјето.

Информирај се.
Заштити се.
Грижи се за себе.