плод во утробара на мајката

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Мајчиниот глас е еден од првите звуци кои детето ги слуша во утробата. Одамна е познато дека бебето ги слуша зборови и сите останати звуци на мајката. Но досега не беше јасно како тоа влијае на плодот.

Истражувачите од Харвард дадоа одговор ова прашање, тврди "Дејли мејл". Тие земале 40 предвремено родени деца (меѓу 25-та и 32-та недели од бременоста) и ги разделиле на две групи. Во принцип во тоа време децата би требало уште да се во утробата. Во продолжение на месец децата од првата група секој ден слушале по 3 часа записи со зборување и отчукување на срцето на мајката. Втората група ја слушала само бучавата во болницата. Мозокот на предвреме родените бебиња бил скениран по еден месец.

Областа на мозокот поврзана со перцепцијата на говорот, на бебињата од првата група била поголема од истата област на мозокот на предвреме родените бебиња од втората група. Според истражувачите записите со мајчиниот глас се корисни за предвремено родените бебиња. Некои специјалисти одамна им препорачуваат на бремените жени да му зборуваат или да му пеат на својот плод. Постојат и специјални курсеви за идни мајки - Wombsong ("песна од утробата"). Пеењето помага да се воспостави врска со се уште неродено дете, уверуваат приврзаниците на овој метод.