/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Можеби мислите дека вашето бебе го учи јазикот додека учи да зборува, но не е така. Вашето бебе најверојатно научило многу зборови пред да успее да го изговори неговиот прв збор.

Способноста на децата да ги разбираат зборовите има голема предност пред нивната способност да зборуваат. Детето многу рано започнува да слуша и разбира и неговиот мозок ги складира овие зборови за идна употреба.

Истражувањата покажуваат дека бебињата имаат вграден, сигнален систем кој тие го користат за да испраќаат и примаат сигнали. Сигнализацијата главно се состои од изрази на лицето, вокализација и чувства на среќа, тага, бес или страв.

Бебето перципира што сакате да му кажете преку вашиот тон, израз на лицето и гласовната модулација. Истражувачите заклучија дека смирувачките зборови и тонови како „те молам“, „насмевка“ и „ангел“ кажани со тивок шепот, се регистрираат поинаку во мозокот на детето отколку зборовите полни со тага или бес.

Бидејќи бебињата започнуваат да перципираат и разбираат многу рано, родителите треба да внимаваат што кажуваат пред нив. Нивниот невин изглед може да ве излаже, тие го перципираат секој збор кажан пред нив.

Истражувањето е спроведено на бебиња од 6 месеци преку поврзување на зборовите со предмети. Кога ќе им се кажело „кревет“, бебињата погледнувале кон креветот. Технологијата со следење на реакцијата на очите им докажала на истражувачите дека бебињата го знаат значењето на многу зборови, пред да научат да ги изговараат.

Истражувачите советуваат да го третирате вашето бебе како кој било друг возрасен соговорник, бидејќи тоа ве слуша и учи.