Бебе рефлекси

/11 /11

Овие мали, автоматски движења не се случајни. Tие се првиот јазик на телото. Нивната улога е да го заштитат бебето, да му помогнат да преживее и да дадат сигнал дека мозокот и нервниот систем функционираат правилно.

1. Моро рефлекс (рефлекс на исплашување)

Овој рефлекс е најпознат од сите. Се појавува кога бебето ќе слушне силен звук или ќе почувствува дека паѓа, рачињата се рашират, прстите се отвораат, а потоа се враќаат кон телото. Мал драматичен момент кој обично исчезнува до 4 до 6 месеци старост.

2. Рефлекс на фаќање (grasp reflex)

Ставете му прст на дланката и ќе го фати цврсто, како да не сака да ве пушти никогаш. Овој рефлекс е повеќе од слатка навика, тој е дел од моторниот развој и исчезнува до околу 5–6 месеци.

3. Рефлекс на коренување (rooting reflex)

Кога ќе го допрете образот на бебето, ќе се заврти кон тој допир барајќи храна. Ова е клучен рефлекс за доење, кој обично исчезнува околу четвртиот месец.

4. Цицачки рефлекс (sucking reflex)

Еден од најважните рефлекси. Кога нешто ќе му се приближи до усните, бебето инстинктивно почнува да цица. Овој рефлекс често се развива дури и пред раѓање. Многу бебиња се гледаат како цицаат палец на ултразвук.

5. Тоничен вратен рефлекс

Кога бебето ќе го заврти главчето на една страна, раката од таа страна се исправа, а спротивната се свиткува. Нормално се појавува до 6 месечна возраст.

6. Рефлекс на одење (stepping reflex)

Држете го бебето исправено со стапалата на тврда површина и toa ќе направи мали чекори. Не, не тргнало да оди, но ова е најава за она што доаѓа подоцна.

Зошто се важни рефлексите?

Рефлексите не се само слатки гестови на бебето, тие се начин педијатрите и невролозите да го проценат здравјето на нервниот систем. Нивната појава, сила и навремено исчезнување даваат важни сигнали за развојот на бебето.

Кога да се загрижите?

Ако некој рефлекс е отсутен, асиметричен (на пр. само на една страна), премногу силен или останува предолго, тоа може да биде знак дека треба да се консултирате со педијатар или невролог.

Рефлексите се првите движења низ кои телото на бебето зборува. Тивко, но јасно. А на нас – ни останува да ги слушаме.