Хигиена на домот

/11 /11

Чистиот дом не е само визуелен избор. Тој директно влијае врз нашето здравје, емоции и квалитетот на секојдневниот живот. А за семејствата со мали деца, постари лица или миленичиња, тоа е дури и прашање на превентивна грижа.

Хигиената е бариера против болести

Редовното чистење и дезинфекција на подовите, кујната, купатилото и често користените површини ја намалуваат концентрацијата на бактерии, вируси и алергени.

На пример:

• Кујнски сунѓер кој не се менува редовно може да содржи повеќе бактерии од даска во тоалет.
• Прашина во аглите или на климата може да предизвика алергиски реакции и влошување на астма.

Чистиот дом помага за подобар сон и помалку стрес

Неколку студии покажале дека луѓето кои живеат во уредна, чиста средина:

• Полесно заспиваат
• Имаат помали нивоа на стрес
• Почесто готват дома (што води до поздрав животен стил)

Бебе или дете во домот? Хигиената станува приоритет број еден

Малите деца ги истражуваат предметите со раце и уста. Играчките на подот, теписите, детските столчиња за јадење, треба редовно да се чистат. Не заради стерилност, туку заради одржување на безбедна средина за развој.

Совет:
Користете природни, благи средства за чистење кога има мали деца (оцет, сода бикарбона, еко производи без хемикалии).

Дом со миленичиња? Потребна е рутинска хигиена

Кучиња и мачки носат внатре влакна, нечистотии од надвор, а понекогаш и паразити.
Редовното чистење на нивниот простор, миење на ќебенца и проветрување помагаат да се намалат алергени и да се задржи пријатна миризба во домот.

Како да одржуваме хигиена без да ни биде оптоварување?

• Направете листа за чистење по денови (на пр., понеделник - кујна, среда - купатило)
• Чистење 15 минути на ден се доволни за одржување, ако постои редовност
• Вклучете ги сите членови во чистењето и во одржување на редот и хигиената
• Користете природни и нежни производи без остри хемикалии
• Пуштете музика додека чистите. Тоа нека не ви биде обврска, туку ритуал

Не чистиме само заради изглед. Чистиме заради спокој, почит кон себе и семејството, и затоа што секој заслужува да живее во средина што го релаксира, а не го исцрпува.