Бремена жена

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Иако оваа состојба е обично безопасна, таа знае да биде непријатна и да го наруши секојдневието, особено кога сте излезени, во друштво или ноќе.

Зошто се јавува овој симптом?

-        Хормонални промени: Веднаш по зачнувањето, нивото на хормонот hCG (хуман хорионски гонадотропин) се зголемува, што го стимулира производството на урина.

-        Зголемен обем на крв: За време на бременоста, телото создава повеќе крв, што значи дека бубрезите мора да филтрираат повеќе течности што пак резултира со почесто мокрење.

-        Притисок од матката: Како што расте матката, таа почнува да притиска врз мочниот меур, особено во првото и третото тромесечје.

-        Спуштање на бебето: Во последните недели од бременоста, бебето се позиционира пониско во карлицата, повторно зголемувајќи го притисокот врз мочниот меур.

Кога треба да се загрижите?

Иако е нормално да мокрите почесто, обратете се кај лекар ако почувствувате:

• Болка или печење при мокрење
• Чести, силни и итни нагони со мала количина урина
• Темна или заматена урина
• Треска или болка во долниот дел на стомакот

Овие симптоми може да укажуваат на уринарна инфекција која е честа појава во бременоста, но потребна е навремена терапија.

Што можете да направите да го ублажите овој симптом?

• Пијте доволно вода, но намалете ја пред спиење
• Избегнувајте кофеин и газирани пијалаци
• Не ја задржувајте урината
• При мокрење, наведнете се нанапред за целосно празнење на мочниот меур

Честото мокрење може да биде непријатен, но сосема нормален дел од бременоста. Тоа е знак дека телото работи напорно за да создаде здраво и безбедно место за вашето бебе.