Се врати смеата во домот на Татјана Димитровска. Од вчера дворот на нејзината куќа не е повеќе празен. 6 годишната Александра се врати дома откако полицијата синоќа на полноќ ја пронашла во такси возило со нејзината баба, во обид од Македонски Брод да побегнат кон манастирот Свети Јован Бигорски.

Мајката вели дека девојчето преживеало вистински хорор. Ќе им претстои долг процес на рехабилитација, но вели дека не се плаши зашто сонот е веќе остварен.

Нејзиниот адвокат уверува дека Татјана нема да врати со иста мерка и дека девојчето ќе има право да се гледа со својот татко.

Од пред два дена дедото Александар Бошњаковски е во истражниот затвор, а таткото Стефан е се уште во бегство, иако и за него е одреден притвор од 30 дена. Чичкото и бабата заработија кривични пријави како дел од групата која незаконски ја одземала и држела Александра. Дополнително ќе одговараат и за покажаната негрижа - девојчето лани не посетило ниту еден училишен час, а ќе се проверуваат и последиците по нејзиното здравје.

Од понеделник Александра се враќа во училишните клупи. Татјана ветува дека ќе и помогне да надомести за се што загубила, а на прво место ќе биде мајчината љубов.

ТУКА погледнете го видеото

Славица Арсова